నేచురల్ స్టార్ నాని హీరోగా ‘ది పారడైజ్’ అనే సినిమా రూపొందుతోన్న సంగతి తెలిసిందే. శ్రీకాంత్ ఓదెల ఈ చిత్రానికి దర్శకుడు.వీరి కాంబినేషన్లో ‘దసరా’ అనే సూపర్ హిట్ మూవీ వచ్చింది. ఆ సినిమా నానిని వంద కోట్ల క్లబ్లో చేర్చింది. అందువల్ల ‘ది పారడైజ్’ పై మొదటి నుండి భారీ అంచనాలు ఏర్పడ్డాయి. ‘దసరా’ని నిర్మించిన సుధాకర్ చెరుకూరినే ‘ది పారడైజ్’ని కూడా నిర్మిస్తున్నారు. ఈ సమ్మర్ కే ‘ది పారడైజ్’ రిలీజ్ అయ్యే అవకాశాలు ఉన్నాయి.
ఇదిలా ఉంటే… ఈ సినిమా భారీ బడ్జెట్ తో రూపొందుతోంది. పారితోషికాల లెక్కలు కూడా అదే రేంజ్లో ఉండబోతున్నాయి అనే టాక్ కూడా నడుస్తుంది.వివరాల్లోకి వెళితే… ‘ది పారడైస్’ సినిమాలో కలెక్షన్ కింగ్ మోహన్ బాబు(Mohan Babu) అత్యంత కీలక పాత్ర పోషిస్తున్న సంగతి తెలిసిందే. ఇది విలన్ రోల్ అనే టాక్ కూడా నడుస్తుంది. ఇండస్ట్రీ వర్గాలైతే గ్రే షేడ్స్ కలిగిన పాత్ర అని చెబుతున్నారు.
ఆ విషయాలు అటుంచితే ‘ది పారడైస్’ సినిమాలో నటించడం కోసం మోహన్ బాబుకి ఏకంగా రూ.5 కోట్లు పారితోషికం ఆఫర్ చేశారట. ఆయన సీనియర్ స్టార్ నటుడే అయినప్పటికీ.. ఇప్పుడు ఆయనకి పెద్దగా డిమాండ్ అయితే లేదు. మార్కెట్ పరంగా కూడా కోటి, కోటిన్నరకి మించి మోహన్ బాబు పేరుపై రికవరీ అయ్యే అవకాశం లేదు. మరి ఏ ఉద్దేశంతో మోహన్ బాబుకి అంత మొత్తం చెల్లిస్తున్నారో చిత్ర బృందానికే తెలియాలి.
అయితే మోహన్ బాబు మాత్రం ఈ మధ్య కాలంలో ఏ సినిమాకి కూడా అంత ఈజీగా ఎస్ చెప్పడం లేదు. ఆ కారణంతో మోహన్ బాబుని పారితోషికంతో టెంప్ట్ చేసి ఉండొచ్చు అనేది సినీ విశ్లేషకుల అభిప్రాయం.
