‘మనమంతా’ ‘జనతా గ్యారేజ్’ ‘మన్యం పులి’ ‘కను పాప’ వంటి చిత్రాలతో తెలుగు ప్రేక్షకులకు కూడా దగ్గరయ్యాడు మలయాళ సూపర్ స్టార్ మోహన్ లాల్. ప్రస్తుతం మోహన్ లాల్ హీరోగా వస్తున్న తాజా చిత్రం ‘ఒడియన్’ . ఇటీవలే విడుదలైన ఈ చిత్ర టీజర్ కు మంచి స్పందన లభిస్తుంది. ‘ఒడియన్’ చిత్రాన్ని తెలుగులో దగ్గుబాటి క్రియేషన్స్ విడుదల చేస్తుంది. మోహన్ లాల్ క్రేజ్ ను దృష్టిలో పెట్టుకుని ఒక్క తెలుగులోనే 275 స్క్రీన్స్ లో విడుదల చేయబోతున్నట్టు సమాచారం.
ఇక ఈ చిత్రం కోసం మెహ‌న్ లాల్ ప్రత్యేకంగా యెగా, వ్యాయామాలు చేశారట. 55 సంవ‌త్స‌రాల త‌న వ‌య‌సుని నుండి 35 సంవ‌త్స‌రాలు కనిపించేలా శరీరాన్ని మార్చుకోవడాని చాలా కష్టపడ్డాడట మోహన్ లాల్. ఇక ఈ చిత్ర రైట్స్ ను దగ్గుపాటి ఫ్యామిలీకి చెందిన దగ్గుపాటి అభిరామ్ , సంప‌త్ కుమార్ ‘ఓడియ‌న్‌’ తెలుగు హ‌క్కులను సొంతం చేసుకున్నారు. ప్రపంచ వ్యాప్తంగా ఈ చిత్రం డిసెంబ‌ర్ 14న విడుదల కాబోతుంది.
