స్టార్ హీరో మోహన్ లాల్ రిజల్ట్ తో సంబంధం లేకుండా వరుసగా సినిమాలు చేస్తుంటారు. మలయాళ స్టార్ హీరోల్లో ఒకరిగా దూసుకుపోతున్న మోహన్ లాల్ ఎలాంటి హడావిడి లేకుండా సినిమా షూటింగ్స్ పూర్తి చేస్తుంటారు. ఈ మధ్యనే ‘దృశ్యం 2’ సినిమాతో భారీ విజయాన్ని అందుకున్నాడు ఈ హీరో. అలానే ఈయన నటించిన ‘మరక్కార్’ సినిమా విడుదలకు సిద్ధంగా ఉంది. ఈ సినిమా విడుదలకు ముందే నేషనల్ అవార్డు దక్కించుకున్నారు. ఇటీవలే దర్శకుడిగా ‘బరోజ్’ అనే భారీ బడ్జెట్ సినిమాను మొదలుపెట్టాడు.
ఇది సెట్స్ పైకి వెళ్లకముందే సైలెంట్ గా ఓ సినిమాను పూర్తి చేసేశాడు మోహన్ లాల్. అదే ‘ఆరాట్టు’. ఉన్నికృష్ణన్ దర్సకత్వంలో తెరకెక్కిన ఈ సినిమా పూర్తి స్థాయి కమర్షియల్ కాన్సెప్ట్ తో తెరకెక్కించారు. తాజాగా ఈ సినిమా టీజర్ ను విడుదల చేశారు. టీజర్ లో హీరోని ఎలివేట్చేసే కొన్ని మాస్ సీన్లు, యాక్షన్ సీన్లను చూపించారు. అయితే టీజర్ మొత్తంలో ఒకే ఒక్క డైలాగ్ ఉంది. అది కూడా తెలుగులో కావడం విశేషం.
‘నేను వాడిని చంపేస్తాను’ అంటూ మోహన్ లాల్ తెలుగులో డైలాగ్ చెప్పారు. ఓ మలయాళ సినిమా టీజర్ లో తెలుగు డైలాగ్ ని పెట్టడం ఏంటని అందరూ ఆశ్చర్యపోతున్నారు. ఈ సినిమాలో తెలుగు కనెక్షన్ ఉందని టీజర్ ని చూస్తే అర్ధమవుతోంది. బహుశా విలన్ ని తెలుగువాడిగా చూపించే ఛాన్స్ ఉందని అంటున్నారు. లేదంటే సినిమా తెలుగు ప్రాంతం నేపథ్యంలో నడిచే కాన్సెప్ట్ తో డిజైన్ చేసి ఉండొచ్చని అంటున్నారు. ఈ సినిమాకి సంబంధించిన మరిన్ని విషయాలు తెలియాల్సివున్నాయి!
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
