సంగీత దర్శకుడు గోపిసుందర్ గురించి ప్రత్యేక పరిచయం అవసరం లేదు. మలయాళంలో స్టార్ మ్యూజిక్ డైరెక్టర్ గా కొనసాగుతున్న ఈయన ఈ మధ్య తెలుగులో కూడా వరుస సినిమాలు చేస్తున్నాడు. శర్వానంద్, నిత్యా మేనన్ జంటగా నటించిన ‘మళ్ళీ మళ్ళీ ఇది రాని రోజు’ చిత్రంతో టాలీవుడ్ కు ఎంట్రీ ఇచ్చిన గోపిసుందర్.. ఆ చిత్రానికి అద్భుతమైన మ్యూజిక్ అలాగే బ్యాక్ గ్రౌండ్ స్కోర్ అందించాడు. ఆ వెంటనే వచ్చిన ‘భలే భలే మగాడివోయ్’ ‘ఊపిరి’ వంటి చిత్రాలు కూడా హిట్టవ్వడం.. వాటికి కూడా మ్యూజిక్ ప్లస్ అవ్వడంతో గోపిసుందర్ క్రేజ్ మరింతగా పెరిగింది.
‘గీత గోవిందం’ చిత్రంలో ‘ఇంకేం ఇంకేం కావాలె’ అనే పాటతో స్టార్ మ్యూజిక్ డైరెక్టర్లకు కూడా దడ పుట్టించాడు. అయితే ఇప్పటి వరకూ మీడియం రేంజ్ హీరోల సినిమాలకు పనిచేస్తూ వచ్చిన గోపిసుందర్ స్టార్ హీరోలతో మాత్రం పనిచేసే అవకాశం డాకించుకోలేకపోయాడు. మహేష్ బాబు ‘బ్రహ్మోత్సవం’ సినిమాకి మాత్రం బ్యాక్ గ్రౌండ్ స్కోర్ అందించాడు. ఇప్పుడు మహేష్ – పరశురామ్ కాంబినేషన్లో రూపొందుతున్న చిత్రానికి మ్యూజిక్ డైరెక్టర్ గా గోపిసుందర్ ను ఫైనల్ చేశారు అని ప్రచారం జరుగుతుంది కానీ ఇంకా క్లారిటీ రాలేదు.
ఇదిలా ఉంటే.. అతని పర్సనల్ లైఫ్ గురించి కూడా వస్తున్న వార్తల పై తాజాగా క్లారిటీ ఇచ్చాడు. గోపీసుందర్ భార్య పేరు ప్రియ . ఇతనికి ఇద్దరు పిల్లలు వున్నారు. అయితే గత కొంత కాలంగా తన భార్యకు తనకు మధ్య మనస్పర్థలు రావడంతో … విడాకులు కోసం కోర్టుని ఆశ్రయించాడని వార్తలు వచ్చాయి. అందుకు భార్య కూడా అంగీకరించిందట. ఈ క్రమంలో గోపి సుందర్ ఓ యువ గాయనితో ప్రేమలో పడ్డాడనీ… ఆమెనే పెళ్ళి చేసుకోబోతున్నాడు అంటూ వార్తలు వచ్చాయి. ఈ వార్తల పై తాజాగా గోపీసుందర్ స్పందించాడు. “విడాకుల కేసు కోర్టులో పెండింగులో ఉంది. ప్రస్తుతం నేను వేరొకరితో ప్రేమలో ఉన్నాను’ అంటూ చెప్పుకొచ్చాడు.
Most Recommended Video
దిల్ రాజు రెండో పెళ్ళి చేసుకున్న అమ్మాయి ఎవరో తెలుసా?
ఈ ఏడు రీజన్స్ తెలిస్తే ఆర్ ఆర్ ఆర్ ని వదిలిపెట్టరు
అతి తక్కువ వయసులో లోకం విడిచిన తారలు
