యంగ్ టైగర్ ఎన్టీఆర్ లో ఇప్పుడు అనేక మార్పులు కనిపిస్తున్నాయి. కెరీర్ పరంగా కథలను ఎంపిక చేసుకోవడంలోనే కాదు.. లుక్ విషయంలోనూ జాగ్రత్తలు తీసుకుంటున్నారు. ఈ మార్పు వెనుక ఎన్టీఆర్ సతీమణి ప్రణతి హస్తం ఉందని తెలిసింది. ఈ విషయాన్ని తారక్ స్వయంగా చెప్పారు. ” నాలో కనిపిస్తున్న మార్పుకు ప్రధాన కారణం నా భార్య ప్రణతి. తాను ఇచ్చిన సలహాలు నాపై బాగా ప్రభావం చూపించాయి” అని వివరించారు. ఆమె మాటలు తన ఆలోచనల్లో మార్పు తీసుకొచ్చాయని వెల్లడించారు. ప్రణతి గురించి మరికొన్ని ఆసక్తికర సంగతులు చెప్పారు.
“పెళ్లి అయిన తొలినాళ్ళ లో సినిమా జీవితం అంటే ఎలా ఉంటుంధో ప్రణతికి అర్ధం కాలేదు. కొద్దీ రోజులకే నా లైఫ్ స్టైల్ ని పూర్తిగా అర్ధం చేసుకుంది. అందుకు అనుగుణంగా ఆమె మారడంతో పాటు నేను మార్చుకోవాల్సిన విషయాలపై దృష్టి పెట్టింది” అంటూ తెలిపారు. ప్రొఫిషినల్ లైఫ్ ని, పర్సనల్ లైఫ్ ని చక్కగా హ్యాండిల్ చేస్తున్న తారక్ తన కొడుకు అభయ్ రామ్ తో ఎక్కువ సేపు గడిపేందుకు ఆసక్తి చూపిస్తున్నారు. జనతా గ్యారేజ్ తర్వాత మూడు నెలలు పాటు పూర్తిగా కుటుంబ సభ్యులతో గడిపారు. వచ్చే నెల 10 వ తేదీ నుంచి బాబీ దర్శకత్వంలో నటించనున్నారు.
Also, do SUBSCRIBE to our YouTube channel to get latest Tollywood updates.
