వెంకీ కుడుముల దర్శకత్వంలో యంగ్ హీరో నాగ శౌర్య నటించిన “ఛలో” సూపర్ హిట్ అయింది. చాలా కాలం తర్వాత విజయం అందుకోవడంతో ఉత్సాహంతో సినిమాలు చేస్తున్నారు. సుందర్ సూర్య దర్శకత్వంలో నటించిన “అమ్మమ్మగారిల్లు”, కణం సినిమాలు బాక్స్ ఆఫీస్ వద్ద విజయం సాధించలేకపోయాయి. ఈసారి సొంత ఐరా క్రియేషన్స్‌ బ్యానర్లో @నర్తనశాల మూవీ చేస్తున్నారు. శ్రీనివాస చక్రవర్తి దర్శకత్వంలో తెరకెక్కుతోన్న ఈ మూవీ దాదాపు షూటింగ్ పూర్తి అయింది. యామిని భాస్కర్‌ హీరోయిన్ గా నటించిన ఈ చిత్రానికి మహతి స్వర సాగర్‌ సంగీతాన్ని అందించారు.
ఆయన స్వరపరిచిన తొలిపాటని హైదరాబాద్ లో రిలీజ్ చేసిన సంగతి తెలిసిందే. తాజాగా రెండో పాటని వ‌ర్జీనియాలో ఆవిష్క‌రించారు. ‘ఛలో’కి ఓవ‌ర్సీస్‌లో మంచి వ‌సూళ్లు వ‌చ్చాయి. అయితే యూఎస్‌లో మాత్రం ప్ర‌మోష‌న్లు చేయ‌లేక‌పోయారు. ఆ లోటు తీర్చ‌డానికి ఇప్పుడు వ‌ర్జీనియాలో నాగశౌర్య హంగామా మొదలెట్టారు. అక్క‌డి అభిమానుల సమక్షంలో పాటని రిలీజ్ చేశారు. ఈ మ్యూజికల్ లవ్ స్టోరీ గురించి వివరించారు. అలా అక్కడ మొదలుపెట్టిన ప్రచారం నెల రోజుల్లో అనేక ప్రాంతాలను కవర్ చేయనుంది. నిర్మాత ఉషా నిర్మిస్తున్న ఈ మూవీ నాగశౌర్య కి ఛలో వంటి విజయాన్ని అందిస్తుందని చిత్ర బృందం ధీమాగా ఉంది.
