కింగ్ అక్కినేని నాగార్జున తనయుల పెళ్లిళ్లు ప్రస్తుతం టాలీవుడ్ లో హాట్ టాపిక్ గా మారింది. నాగ చైతన్య, సమంత ప్రేమించుకుంటున్నారని వార్త బయటికి వచ్చినప్పటి నుంచి అక్కినేని ఇంట పెళ్లి గంటలు మోగడం మొదలు పెట్టాయి. అన్న పెళ్లి ఓకే కావడంతో అఖిల్ కూడా తన ప్రేమ సంగతిని బయటి పెట్టి, తనకు పెళ్లి చేసెయ్యమని పేరెంట్స్ కి హింట్ ఇచ్చాడు. కొడుకుల ప్రేమ విషయం పై కోప్పడకుండా సంతోషంగా ఇష్టపడిన వారితోనే పెళ్లి చేసేందుకు కింగ్ నాగార్జున ఒప్పుకున్నాడు. దీంతో చైతూ, అఖిల్ ల పెళ్లి ఒకే రోజు ఉండబోతోంది అంటూ మీడియాలో హడావుడి మొదలయింది. అయితే ఆ వార్తలను నాగార్జున ఖండించారు.
“చైతూ పెళ్లి త్వరలోనే చేయాలనుకుంటున్నాం. ఇంకా డేట్స్ ఫిక్స్ చేయలేదు. అఖిల్ పెళ్లి కూడా తొందరలోనే ఉంటుంది. ఇద్దరికీ ఒకో రోజు పెళ్లి చేయం. మా ఇంట్లో జరిగే రెండు వివాహ వేడుకులను ఘనంగా నిర్వహించాలని అనుకుంటున్నాం ’ అని నాగ్ ఓ ఇంగ్లిష్ పత్రికకు ఇచ్చిన ఇంటర్వ్యూ లో స్పష్టం చేశారు. ఇప్పటికైనా నాగార్జున తనయుల పెళ్లిళ్ల పై రూమర్లు ఆగుతాయేమో చూడాలి.
