డైరక్టర్ శ్రీరామ్ ఆదిత్య దర్శకత్వంలో నాని, నాగార్జున కలిసి ఓ మల్టీ స్టారర్ మూవీ చేస్తున్న సంగతి తెలిసిందే. వైజయంతి మూవీస్ బ్యానర్ పై అశ్విని దత్ నిర్మిస్తున్న ఈ సినిమా షూటింగ్ ఉగాది రోజున మొదలయింది. హైదరాబాద్ లోని మియాపూర్ మెట్రో స్టేషన్లో నాని, రష్మిక మందన్న, సంపూర్ణేష్ బాబుల మీద కొన్ని కీలక సన్నివేశాలని చిత్రీకరించారు. సెకండ్ షెడ్యూల్ నిన్న రామోజీ ఫిలిం సిటీలో కొన్ని రోజుల మొదలయింది. నాగార్జున ఈ సినిమా షూటింగ్ లో జాయిన్ అయ్యారు. ఈ చిత్రంలో నాగ్ సరసన కన్నడ బ్యూటీ శ్రద్ధ శ్రీనాథ్ ఫిక్స్ అయింది. కన్నడలో కిరిక్ పార్టీ తో పాపులర్ అయిన రష్మిక నానికి జోడీగా కనిపించనుంది.
తాజాగా ఈ చిత్రం గురించి ఆసక్తికర విషయం బయటికి వచ్చింది. ఈ సినిమాలో నాని, నాగార్జున అన్నదమ్ములుగా నటిస్తున్నారు. వారిద్దరి మధ్య అనుబంధం హైలెట్ కానుందని సమాచారం. 1999లో రిలీజైన హాలీవుడ్ మూవీ “అనలైజ్ దిస్” స్ఫూర్తితో తెరకెక్కుతున్న సినిమా అని ఫిలిం నగర్ వాసులు చెబుతున్నారు. ఇందులో రోబెర్ట్ డీ నీరో పోషించిన డాన్ పాత్రలో నాగార్జున నటిస్తుంటే, డాన్కి బ్రదర్ గా బిల్లీ క్రిస్టల్ పోషించిన డాక్టర్ పాత్రలో నాని నటించనున్నాడని తెలుస్తోంది. మన నేటివిటీకి తగ్గట్టు పాత్రల మధ్య సన్నివేశాలను మలిచారని టాక్. ఈ సీన్స్ ప్రేక్షకులను కట్టిపడేస్తాయని సమాచారం.
