అక్కినేని నాగార్జున తనయుడు నాగచైతన్యతో కలిసి మళ్లీ మూవీ చేయనున్నట్లు కొన్ని రోజులుగా సోషల్ మీడియాలో వార్త చక్కర్లు కొడుతోంది. ఈ వార్త నాగార్జునను షాక్ కి గురి చేసింది. గతంలో నాగ్, చైతూ తో కలిసి మనం మూవీలో నటించారు. ప్రేమమ్ సినిమాలోనూ కనిపించారు. మళ్లీ వీరిద్దరూ ‘శతమానం భవతి’ దర్శకుడు సతీష్ వేగేశ్న దర్శకత్వంలో నటించనున్నట్లు, దీనిని ప్రముఖ నిర్మాత దిల్ రాజు నిర్మించేందుకు సిద్ధంగా ఉన్నట్లు గాసిప్ విహరించింది. ప్రస్తుతం కళ్యాణ్ కృష్ణ దర్శకత్వంలో చైతూ మూవీ చేస్తున్నారు.
నాగార్జున మాత్రం ఓం నమో వెంకటేశాయ పోస్ట్ ప్రొడక్షన్ పనుల్లో బిజీగా ఉన్నారు. దీని తర్వాత సతీష్ వేగేశ్న తో కింగ్ నాగార్జున సినిమా చేస్తారని ప్రచారం జోరుగా సాగింది. అయితే ఇవన్నీ పుకార్లే అని నాగార్జున ఈరోజు తేల్చి చెప్పారు. ‘నేను, చైతన్య కలిసి మూవీ చేస్తున్నామనే వార్తలు వినిపిస్తున్నాయి. ఆ వార్త నాకు పెద్ద న్యూస్ అయింది. అందులో వాస్తవం లేదు, అలాంటి ప్లాన్స్ ఏవీ లేవు” అని ట్విట్టర్ లో స్పష్టం చేశారు.
Also, do SUBSCRIBE to our YouTube channel to get latest Tollywood updates.
