ఎంత ఏజ్ వచ్చినా.. యూత్ కి కనెక్ట్ అయ్యే సినిమాలు చేయడంలో నాగార్జున దిట్ట అని ప్రత్యేకంగా చెప్పనక్కర్లేదు. ‘మన్మథుడు 2’ తరువాత పూర్తిగా ‘బిగ్ బాస్3’ తో బిజీగా ఉంటూ వచ్చిన నాగార్జున త్వరలోనే సినిమా చేయడానికి రెడీ అవుతున్నారు. అయితే ఆయన ఏ డైరెక్టర్ తో సినిమా చేస్తారు.. ఏ నిర్మాతతో సినిమా చేస్తారు… హీరోయిన్ మరియు నటీనటుల వివరాలు ఏంటి… ఇలాంటి సందేహాలు చాలా మందికి ఉన్నాయి. అందుతున్న సమాచారం ప్రకారం నాగార్జున ఓ కొత్త డైరెక్టర్ తో సినిమా చేయడానికి రెడీ అవుతున్నట్టు తెలుస్తుంది.
కొత్త దర్శకుడు సాల్మన్ చెప్పిన కథ నాగార్జునకి నచ్చడంతో.. ఆ దర్శకుడితో సినిమా చేయడానికే ఓకే చెప్పేసే అవకాశం ఉందని తెలుస్తుంది. ఈ చిత్రంలో నాగార్జున పోలీస్ ఆఫీసర్ గా కనిపించబోతున్నారట. ఇక హీరోయిన్ కోసం కొంతమంది పేర్లను పరిశీలించి.. చివరికి ‘చందమామ’ కాజల్ అయితేనే బెటర్ అనే నిర్ణయానికి వచ్చేసారట. దీంతో ఈమెను సంప్రదించగా.. పాజిటివ్ గా స్పందించిందట. దాదాపు ఈమె ఫిక్సయినట్టే అని తెలుస్తుంది. మరి కాజల్.. నాగ్ పక్కన సరిపోతుందా..? ‘పైగా ‘దడ’ సినిమాలో నాగచైతన్య పక్కన కూడా చేసింది’ అని అంతా అనుమానం వ్యక్తం చేస్తున్నారు. అయితే గతంలో చరణ్ తో చేసిన తరువాత ‘ఖైదీ నెంబర్ 150’ లో చిరంజీవి సరసన కూడా చేసింది. సో పెద్దగా ఆలోచించాల్సిన అవసరం లేదనే చెప్పాలి. ఇక కాజల్ కు కూడా ఈమధ్య పెద్దగా అవకాశాలు లేవు కాబట్టి ఇది మంచి అవకాశమనే చెప్పాలి..!
“జార్జ్ రెడ్డి” సినిమా రివ్యూ & రేటింగ్!
24 గంటల్లో అత్యధిక లైక్స్ సాధించిన సౌత్ సినిమా టీజర్లు ఇవే..!
