“ఎవడే సుబ్రమణ్యం”కి ముందు-తర్వాత అని ఎలా అయితే నాని కెరీర్ ను పేర్కొనవచ్చో “బిగ్ బాస్”ను హోస్ట్ చేయడానికి ముందు, తర్వాత అని కూడా చెప్పుకోవచ్చు. అందుకు కారణం “ఎవడే సుబ్రమణ్యం” తర్వాత నాని హిట్ స్టార్ ఎలా అయిపోయాడో.. “బిగ్ బాస్” షో అనంతరం అదే తరహాలో నెగిటివ్ అయిపోయాడు. ముఖ్యంగా కౌశల్ మీద నాని ఫైర్ అయినప్పుడల్లా “నాని ది వరస్ట్ హోస్ట్” అని ట్రెండ్ చేయడం మొదలెడుతున్నారు. దాంతో ప్రతి శనివారం నాని సోషల్ మీడియాలో ఫుల్ బ్యాడ్ అయిపోతున్నాడు.
అన్నిటికంటే ముఖ్యంగా.. కౌశల్ మీద కామెంట్ చేసినప్పుడు తనీష్ బ్యాచ్, తనీష్ మీద సీరియస్ అయినప్పుడు కౌశల్ బ్యాఛ్ నానిని పొగుడుతుండగా.. అదే బ్యాచ్ లు తమ ఫ్యావరేట్ కంటెస్టెంట్ ను తిట్టినప్పుడు నాని మీద ఫైర్ అయిపోతున్నారు. దాంతో నాని స్వయంగా రెండుమూడుసార్లు స్టేట్ మెంట్ కూడా ఇవ్వాల్సి వచ్చింది. అయితే.. నిన్నమొన్నటివరకూ నాని అంటే అందరి హీరో అనిపించుకొన్న వ్యక్తి ఇప్పుడు కొందరికి నెగిటివ్ అయిపోవడంతో నాని ఫ్యాన్స్ కూడా బాధపడుతున్నారు. ఇంకొన్ని రోజుల్లో ముగియనున్న ఈ షో ద్వారా నాని సాధించిన స్టార్ డమ్ కంటే పోగొట్టుకొన్న పేరు ఎక్కువ. మరి ఈ విషయాన్ని నాని ఎలా బ్యాలెన్స్ చేస్తాడో చూడాలి.
