నేచురల్ స్టార్ నాని హీరో కాక ముందు అసిస్టెంట్ డైరక్టర్ గా పనిచేసిన సంగతి అందరికీ తెలిసిందే. గతఏడాది బాహుబలి సెట్ లో డైరక్టర్ గాను యాక్షన్, కట్ చెప్పారు. ఇప్పుడు బాహుబలి కోసం మరో అవతారం ఎత్తనున్నారు. యంగ్ రెబల్ స్టార్ ప్రభాస్ వీరోచితంగా నటించిన బాహుబలి కంక్లూజన్ పోస్ట్ ప్రొడక్షన్ కూడా దాదాపు కంప్లీట్ చేసుకొని ఏప్రిల్ 28 న ప్రపంచవ్యాప్తంగా రిలీజ్ కావడానికి సిద్ధంగా ఉంది. గత వారం విడుదలయిన ఈ మూవీ ట్రైలర్ విశేషంగా ఆకట్టుకొని అంచనాలను మరింత పెంచింది. ఇక దర్శకధీరుడు ఎస్.ఎస్.రాజమౌళి చేతిలో ఉన్న ఆఖరి ప్రచార అస్త్రం ఆడియో వేడుక.
ఈ కార్యక్రమాన్ని రామోజీ ఫిలిం సిటీలో వేసిన మాహిష్మతి సెట్ లో గ్రాండ్ గా నిర్వహించడానికి ఏర్పాట్లు చేస్తున్నారు. అతిరథమహారధుల సమక్షంలో మార్చి 26న జరగనున్న ఈ ఫంక్షన్ కి యాంకర్ గా నానిని జక్కన్న ఆహ్వానించినట్లు సమాచారం. తన అభిమాన డైరక్టర్ పిలవడంతో నాని వెంటనే ఓకే చెప్పినట్లు తెలిసింది. సో ఓ వైపు మరకతమని కీరవాణి స్వరపరిచిన పాటల్లో అతిధులు లీనమైపోతుండగా, నాని పంచ్ లు వారిని నవ్వులతో తట్టిలేపనుంది.
Also, do SUBSCRIBE to our YouTube channel to get latest Tollywood updates.
