మహేష్ బాబు 25 వ చిత్రంగా వంశీ పైడిపల్లి డైరెక్షన్లో వచ్చిన ‘మహర్షి’ చిత్రం మంచి హిట్టందుకున్న సంగతి తెలిసిందే. సమ్మర్ కానుకగా మే 9న విడుదలైన ఈ చిత్రం జూన్ 27 కి 50 రోజులు పూర్తి చేసుకోనుంది. మంచి మెసేజ్ తో వచ్చిన ఈ చిత్రం కమర్షియల్ గా కూడా బాగా వర్కౌట్ అయ్యి 100 కోట్లకు పైగా షేర్ ను రాబట్టింది. మహేష్ కెరీర్లో ఇవే బిగ్గెస్ట్ కలెక్షన్స్. ఇప్పటి రోజుల్లో ఓ చిత్రం ఇలా 50 రోజులు పూర్తి చేసుకోవడం అంత సాధారణ విషయం కాదు. పక్క మరే పెద్ద సినిమా లేకపోవడం, విడుదలైన చిన్న సినిమాలు కూడా ఆకట్టుకోకపోవడంతో ప్రేక్షకులు ‘మహర్షి’ చిత్రానికే ఓటేశారు.
దీంతో జూన్ 27న ‘మహర్షి’ అర్ధ శతదినోత్సవ వేడుకను హైదరాబాద్ లోని శిల్పకళా వేదికలో నిర్వహించాలని చిత్ర బృందం ప్లాన్ చేసారు. ఈ వేడుకకి ముఖ్య అతిథిగా నేచురల్ స్టార్ నాని ని ఆహ్వానించినట్టుగా తెలుస్తుంది. ప్రీ రిలీజ్ కు విజయ్ దేవరకొండ ను తీసుకొచ్చారు ఇప్పుడు 50 రోజు వేడుకకు నాని ని తీసుకొస్తున్నారు.
