“ఛలో” తర్వాత యంగ్ హీరో నాగ శౌర్య సొంత బ్యానర్లో చేసిన మూవీ @నర్తనశాల. శ్రీనివాస చక్రవర్తి దర్శకత్వంలో తెరకెక్కిన ఈ మూవీ పోస్ట్ ప్రొడక్షన్ వర్క్ పూర్తి చేసుకొని ఈనెల 30 న రిలీజ్ కావడానికి ముస్తాబవుతోంది. యామిని భాస్కర్‌ హీరోయిన్ గా నటించిన ఈ చిత్రం టీజర్ రీసెంట్ గా రిలీజ్ అయి మంచి స్పందన అందుకుంది. అలాగే మహతి స్వర సాగర్ స్వర పరిచిన గీతాలు ఒక్కొక్కటిగా రిలీజ్ అవుతూ కిక్ ఇస్తున్నాయి. తాజాగా విడుదలయిన “పిచ్చిపిచ్చిగా న‌చ్చావురా మ‌నోహ‌రా” పాట యువతని తెగ ఆకట్టుకుంటోంది. ఇంకా ఈ సాంగ్ వెండితెరపై హీట్ పుట్టిస్తుందని మేకింగ్ షాట్స్ చెప్పకనే చెబుతున్నాయి.
నాగ‌శౌర్య బుద్దిమంతుడిలా ఉంటే అతడిని బికినీ అందాలతో రెచ్చకొడుతున్న యామిని.. కనువిందు చేస్తోంది. త‌డి బ‌ట్ట‌ల‌తో చాలా హాట్‌గా క‌నిపిస్తోంది. ధ‌ర‌మ్ తేజ్ రాసిన పాటకి లిప్సిక ఎంతో అందంగా పాడింది. మరింత అందంగా శ్రీనివాస చక్రవర్తి తెరకెక్కించారు. ఈ త‌ర‌హా పాట‌లు తీయ‌డంలో కృష్ణ‌వంశీకి ఓ స్టైల్ ఉంటుంది. ఆ శైలిని శిష్యుడు అచ్చుగుద్దిన‌ట్టు దింపేశారని సినీ విశ్లేషకులు అభినందనలు గుప్పిస్తున్నారు. “@నర్తనశాల”కి రిపీట్ ఆడియన్స్ ని రప్పించడంలో ఈ పాట ఒక కారణం అవుతుందని సినీ పండితులు భావిస్తున్నారు.
