రహస్య వివాహం గురించి వెల్లడించనున్న నయనతార

దక్షిణాది చిత్రపరిశ్రమలో నయనతారకి మంచి ఫాలోయింగ్ ఉంది. అత్యధిక పారితోషికం అందుకుంటూ దూసుకుపోతోంది. అయితే ఈ భామకు పెళ్లి అయి కాపురం కూడా చేస్తోందని కోలీవుడ్ లో వార్తలు గుప్పుమంటున్నాయి. శింబు, ప్రభుదేవాతో ప్రేమ వ్యవహారం నడిపిన నయన, ఆ అఫైర్స్ నేర్పించిన పాఠాలతో తాజా ప్రేమ  సంగతిని  ఇప్పటివరకు దాచిపెట్టినట్లు తమిళ పత్రికలు కథనాల్ని ప్రచురించాయి. యువ రచయిత విఘ్నేశ్ ని ప్రేమించి, పెళ్లిచేసుకుందని స్పష్టం చేస్తున్నాయి. చెన్నై లోని ఎగ్మూర్ లో ఒక ఖరీదైన అపార్టుమెంట్లో ఫ్లాట్ కొని అందులో ఉంటున్నారని వెల్లడించాయి.

దీనిని నయన వైపు వ్యక్తులు ఖండించడం లేదు. పైగా భర్త సంగతిని త్వరలోనే అందరికీ ఆమె వివరించనుందని తెలిపాయి.  నయన తార తాజా చిత్రం ‘డోరా’ లో విఘ్నేశ్ శివన్ ఓ పాటని రాశారు. ఆ పాటని ఈనెల సంక్రాంతికి  రిలీజ్ చేయనున్నారు. ఈ పాటల రిలీజ్ వేడుకలో తన పెళ్లి సంగతిని నయన మీడియాకు వెల్లడించనున్నట్లు సమాచారం. ఇందుకోసం టాలీవుడ్, కోలీవుడ్ జనాలు ఎదురుచూస్తున్నారు.

Also, do SUBSCRIBE to our YouTube channel to get latest Tollywood updates.