లిప్ లాక్ లతో సెన్షేషన్ సృష్టించే బ్యూటీ నయనతార ఇప్పుడు మరో వివాదంలో ఇరుక్కుంది. జీవా తో ఆమె కలిసి నటించిన తమిళ చిత్రం “తిరుణాల్”. ఈ సినిమా గత శుక్రవారం విడుదలై మంచి కలక్షన్ రాబడుతోంది. ఇందులో నయన్ ప్రాధమిక పాఠశాల టీచర్ గా నటించింది. బడికి వెళ్లిన తొలి రోజు చిన్నారులను మచ్చిక చేసుకోవడానికి చాకోలెట్ ఇచ్చి, తన బుగ్గ పై ముద్దు పెట్టించుకుంది. ఆ క్రమంలో ఓ విద్యార్థి నయనతార బుగ్గ పై కాకుండా లిప్ పై ముద్దు పెట్టి వివాదానికి కేంద్ర బిందువు అయ్యాడు.
అంతటితో ఆగకుండా ఆ పిల్లాడి తల్లి సినిమా చూసి వచ్చి ఆనందంతో తన కొడుకు నయనతారను ముద్దు పెట్టుకున్నాడని వీడియోతో సహా పోస్ట్ చేసింది. ఇంకేముంది ఆ వీడియో సోషల్ మీడియాలో చక్కర్లు కొట్టింది. చర్చకు దారి తీసింది. ఆ సీన్ ద్వారా దర్శకుడు ఏమి చెప్పదలుచుకున్నాడు? అంటూ కొందరు మహిళలు ఘాటుగా విమర్శిస్తున్నారు. ఇప్పటికే సినిమాలో హీరోలను చూసి పిల్లలు తోటి విద్యార్థులతో అసభ్యకరంగా ప్రవర్తిస్తుంటే.. పిల్లల్తో ఏకంగా లిప్ లాక్ పెట్టించడం ఎంత వరకు సమంజసం అని సూటిగా ప్రశ్నిస్తున్నారు. ఆ చిత్రానికి సంబంధించిన వారు మాత్రం “ఆ సన్నివేశాన్ని మేము హాస్యం కోసం చిత్రీకరించాం, అందులో పిల్లాడి కోరికను మేము వెల్లడించ లేదు.. అతని అమాయకత్వాన్ని చూపించాం” అని సమర్ధించుకున్నారు. అయినా సామాజిక కార్యకర్తలు శాంతించడం లేదు.
