హీరోయిన్లన్నాక వయసు పెరిగే కొద్దీ ఆఫర్లు తగ్గడమే కాక క్రేజ్ కూడా పడిపోతూ ఉంటుంది. కానీ.. నయనతార మాత్రం అందుకు భిన్నంగా.. వయసు పెరుగుతున్నకొద్దీ వరుస ఆఫర్లతో దూసుకుపోతోంది. తాజాగా మరో బంపర్ ఆఫర్ సొంతం చేసుకొంది నయనతార. అజిత్ కథానాయకుడిగా శివ దర్శకత్వంలో తెరకెక్కనున్న “విశ్వాసం”లో కథానాయికగా నయనతారను ఫైనల్ చేశారు. అజిత్ తో కలిసి నయనతార ఆల్రెడీ మూడు సినిమాల్లో నటించింది. వాళ్ళ కాంబినేషన్ లో వచ్చిన “ఏగన్, బిల్లా, ఆరంభం” చిత్రాలు సూపర్ హిట్ అయ్యుండడం వల్ల ఈ నాలుగో సినిమా మీద షూటింగ్ మొదలవ్వడానికి ముందే భారీ క్రేజ్ ఏర్పడింది.
“వీరం, వేదాలమ్, వివేగం” చిత్రాల అనంతరం అజిత్-శివ కాంబినేషన్ లో తెరకెక్కనున్న నాలుగో సినిమా కావడం వల్ల “విశ్వాసం” కోసం అజిత్ అభిమానులందరూ ఆశగా ఎదురుచూస్తున్నారు. రూరల్ బ్యాక్ డ్రాప్ లో తెరకెక్కనున్న ఈ చిత్రంలో అజిత్ లోకల్ డాన్ గా నటించనుండగా.. నయనతార అజిత్ భార్యగా నటించనుంది. విలేజ్ బ్యాక్ డ్రాప్ లో హెవీ సెంటిమెంట్, ఎమోషన్స్ మేళవింపుగా ఈ చిత్రం తెరకెక్కనుంది.
