చిరంజీవి ఒక పది నిమిషాల టైమ్ ఇస్తే చాలు జన్మ ధన్యం అనుకొనే దర్శకులు, రైటర్స్ కోకొల్లలు. ఇండస్ట్రీలో ఎంతటి టాప్ హీరో అయినా ఆయన ముందు చిన్నోడే. అలాంటి మెగాస్టార్ చిరంజీవికి హీరోయిన్ నయనతార టైమ్ ఇవ్వడం ఏంటి? అనుకుంటున్నారా. మీరు చదువుతోంది నిజమే. ప్రస్తుతం సౌత్ ఇండియాలో మోస్ట్ బిజీయస్ట్ హీరోయిన్ అయిన నయనతార మెగాస్టార్ సరసన “సైరా నరసింహా రెడ్డి” చిత్రంలో కథానాయికగా నటిస్తున్న విషయం తెలిసిందే. సినిమా అనుకొన్న ప్రకారం మొదలవ్వకపోవడంతో ముందు ప్లాన్ చేసుకొన్న షెడ్యూల్స్ అన్నీ మారిపోయాయి. పరాయి భాషా నటులు కూడా ఉన్నప్పటికీ.. వాళ్లందరి డేట్స్ ను మ్యానేజ్ చేసిన సైరా బృందం ఒక్క నయనతార డేట్స్ ను మాత్రం ఎడ్జెస్ట్ చేయలేకపోయింది.
అందుకు కారణం లేకపోలేదు.. ప్రస్తుతం మన సౌత్ ఇండస్ట్రీలో మోస్ట్ పాపులర్ మాత్రమే కాదు మోస్ట్ వాంటెడ్ కూడా. అందులోనూ నయనతార ఈమధ్యకాలంలో తన ప్రియుడితో ట్రిప్పులకి కాస్త ఎక్కువ సమయం వెచ్చిస్తుండడంతో ఆమె డేట్స్ ను ఎడ్జెస్ట్ చేయడం చాలా కష్టమైపోయింది. ఎట్టకేలకు కష్టపడి నయనతార నుంచి ఒక మూడు రోజుల డేట్స్ మాత్రం సంపాదించారట. ఆ మూడు రోజుల్లోనే నయనతార టాకీ పార్ట్ మొత్తం పూర్తి చేసేందుకు సైరా బృందం చాలా ఇబ్బందులు పడుతోంది. కానీ.. చిరంజీవి లాంటి మెగాస్టార్ కూడా నయనతార డేట్స్ ను బట్టి తన షెడ్యూల్ ను ఎడ్జెస్ట్ చేసుకోవడం అనేది అభినందనీయం.
