Veera Simha Reddy: సంక్రాంతి బరిలో నట ‘సింహం’..‘వీర సింహా రెడ్డి’ గా బాలయ్య.!

నటసింహ నందమూరి బాలకృష్ణ అభిమానుల ఎదురు చూపులకు తెర పడింది.. గతకొద్ది రోజులుగా కళ్లు కాయలు కాసేలా వాళ్లు NBK107 అప్ డేట్ కోసం వెయిట్ చేస్తున్నారు. ఎట్టకేలకు నటసింహా హంట్ బిగిన్ అయ్యింది. బాలయ్య బాబు, గోపిచంద్ మలినేని కాంబోలో వస్తున్న ఈ పక్కా యాక్షన్ అండ్ ఫ్యామిలీ ఎంటర్ టైనర్ మూవీ టైటిల్ లాంఛ్ ఈవెంట్ కి కర్నూలు కొండారెడ్డి బురుజు వేదికైంది. తెలుగు సినిమా ఇండస్ట్రీలో ఒక మూవీ టైటిల్ లాంఛ్ కార్యక్రమం ఇక్కడ జరగడం ఇదే మొట్టమొదటిసారి కావడం విశేషం.

‘అఖండ’ బ్లాక్ బస్టర్ తో మాంచి ఊపు మీదున్న బాలయ్య, ‘క్రాక్’ తో ట్రాక్ లోకి వచ్చిన గోపిచంద్ మలినేని దర్శకత్వంలో.. మైత్రీ మూవీ మేకర్స్ నిర్మిస్తున్న ప్రెస్టీజియస్ ఫిల్మ్ కి కొతంకాలంగా ‘జై బాలయ్య’, ‘రెడ్డి గారు’, ‘వీర సింహా రెడ్డి’ టైటిల్స్ ఫిక్స్ చేశారు. ‘‘గాడ్ ఆఫ్ మాసెస్’’ అనే సాలిడ్ ట్యాగ్ లైన్ కూడా పెట్టి ఫ్యాన్స్ లో ఫుల్ జోష్ నింపారు.

నటసింహానికి సంక్రాంతి సింహంగా పేరుంది. బాలయ్య కెరీర్ లో సంక్రాంతికి రిలీజ్ అయిన పలు సినిమాలు సూపర్ డూపర్ హిట్ అయ్యాయి. ఆ సెంటిమెంట్ ని రిపీట్ చేస్తూ.. 2023 సంక్రాంతికి ‘వీర సింహా రెడ్డి’ గా బాలయ్య సింహ గర్జన స్టార్ట్ కానుందని అఫీషియల్ గా అనౌన్స్ చేస్తూ రిలీజ్ చేసిన పోస్టర్, టైటిల్ టీజర్ ట్రెండ్ అవుతున్నాయి. బాలయ్య కూడా సంక్రాంతి బరిలోనే దిగుతుండడంతో ఈసారి బాక్సాఫీస్ దగ్గర ఎలాంటి సందడి నెలకొంటుందోననే ఇంట్రెస్ట్ క్రియేట్ అయ్యింది.

‘వీర సింహా రెడ్డి’ టైటిల్ కి నందమూరి ఫ్యాన్స్, సెలబ్రిటీల నుండి మంచి రెస్పాన్స్ వస్తోంది. ‘సమరసింహా రెడ్డి’ రోజుల్ని ఈ చిత్రం మళ్లీ గుర్తు చేస్తుందని చెప్పి నిర్మాత అభిమానుల్లో అంచనాలు పెంచేశారు. శృతి హాసన్ కథానాయికగా నటిస్తుండగా.. వరలక్ష్మీ శరత్ కుమార్, హనీ రోజ్, లాల్ తదితరులు కీలకపాత్రల్లో కనిపించనున్నారు. యంగ్ మ్యూజిక్ సెన్సేషన్ థమన్ సంగీతమందిస్తున్నాడు.