టాలీవుడ్ లో మంచి టాలెంట్ ఉన్న అతి తక్కువ మంది హీరోల్లో మన మాస్ మహా రాజా రవి తేజ ఒకడు. అయితే ఒకప్పుడు వరుస హిట్స్ తో మంచి ఊపు మీద దూసుకుపోయిన రవితేజ. ఈ మధ్య కాస్త వెనుక బడ్డాడు. అయితే కరియర్ పరంగానే కాకుండా, కొన్ని వ్యక్తిగత ఇబ్బందుల్లో చిక్కుకున్న రవితేజ ఇప్పుడు వరుసగా రెండు సినిమాలతో దుమ్ము దులపాలని డిసైడ్ అయ్యాడు. అదే క్రమంలో ‘రాజా ది గ్రేట్’. ‘టచ్ చేసి చూడు’ అనే సినిమాలతో రవి దూసుకొస్తున్నాడు…ఇదిలా ఉంటే ఈ సినిమాలకు సంభందించి ప్రస్తుతం షూటింగ్ చాలా వేగం గా జరుగుతోంది. అనిల్ రావిపూడి దర్శకుడిగా దిల్ రాజు నిర్మాతగా రూపొందుతున్న ‘రాజా ది గ్రేట్’ సినిమా రవితేజ అంధుడిగా నటించనున్నాడు. ఇటీవలే ‘రాజా ది గ్రేట్’ టీజర్ విడుదలై ఆ టీజర్ కు మంచి స్పందన కుడా వచ్చింది. ఇంతవరకూ బాగానే ఉంది కానీ అసలు మ్యాటర్ ఇక్కడే మొదలయింది.
అదేమిటి అంటే….ఈ మూవీ కధ 1989లో హాలీవుడ్‌లో విడుదలైన ‘బ్లైండ్ ప్యూరీ’ సినిమా కు కాపీ అని ప్రచారం జరుగుతోంది. సినిమా సర్కిల్స్ నుంచి వినిపిస్తున్న కధనం ప్రకారం…ఈ హాలీవుడ్ మూవీ లో హీరో ఓ యుద్ధంలో తన కంటిచూపు పోగొట్టుకుంటాడు. కంటిచూపు పోయినా తనకంటూ ఓ లక్ష్యాన్ని నిర్దేశించుకొని ఆ లక్ష్యాన్ని సాధిస్తాడు. అలాగే ‘రాజా ది గ్రేట్’ సినిమాలో కూడా హీరో రవితేజ పుట్టకతో అంధుడు కాదని, పరిస్థితుల వలన గుడ్డివాడిగా మారుతాడనే టాక్ వినిపిస్తోంది. అయితే సినిమాలో కీ పోయింట్ అదే అయినప్పటికీ చివరకు ఈ సినిమా కధనం బట్టే ఇది కాపీనా కదా అని తెలుస్తుంది. మొత్తంగా చూసుకుంటే సినిమా రిలీజ్ అయ్యేవరకూ చెప్పలేం ఈ సినిమా పరిస్థితి ఏంటో.
Also, do SUBSCRIBE to our YouTube channel to get latest Tollywood updates.
