బాలీవుడ్ లో ప్రేమ పెళ్లిళ్ల వార్తలు ఎప్పుడు వినిపిస్తూనే ఉంటాయి. అయితే సరిగ్గా సంవత్సరం క్రితం బాలీవుడ్ నటి నేహా ధూఫియా, నటుడు అంగద్ బేడీల వివాహం అందరిని షాకింగ్ కి గురి చేసింది. అయితే ఎవరికీ చెప్పకుండా గప్ చుప్ గా వీరు అప్పట్లో పెళ్లి చేసుకోవడంతో వీరిపైనా అనేక రూమర్స్ వచ్చాయి. హీరోయిన్ నేహా ధూఫియా, అంగద్ బేడీ డేటింగ్ లో ఉండగా ఆమె ప్రెగ్నెంట్ అయిందని అందుకే విషయం బయటికి రాకముందే ఎవరికీ చెప్పకుండా హడావిడి లేకుండా సైలెంట్ గా పెళ్లి చేసుకున్నారంటూ అప్పట్లో సోషల్ మీడియా లో వీరి పెళ్లి పైన ఎన్నో రకాల వార్తలు వచ్చాయి.
ఇక ఇటీవలే అంగద్ బేడీ నటించిన సినిమా రిలీజ్ కి దగ్గర ఉండటంతో అతని భార్య నేహా ధూఫియా నిర్వహిస్తున్న నో ఫిల్టర్ నేహా షో కి అంగద్ బేడీ వచ్చాడు. ఈ షో కి వచ్చిన అంగద్ బేడీ వీరి పెళ్లి పైన క్లారిటీ ఇచ్చాడు. నేహా ధూఫియా తో పెళ్ళికి ముందు నుండి చాలా సంవత్సరాలుగా ప్రేమలో ఉన్నానని, ఇలా ప్రేమలో ఉండగా వివాహం చేసుకోవాలని అనుకుంటున్న సమయంలో ఆమె ప్రెగ్నెంట్ అని తెలియడంతో వెంటనే ఇద్దరం పెళ్ళికి రెడీ అయ్యామని, అప్పటికప్పుడు తీసుకున్న నిర్ణయం కావడంతో పెళ్ళికి ఎవరిని పిలువలేకపోయాం అంటూ, ప్రస్తుతం మేము ఇద్దరం చాలా సంతోషంగా ఉన్నామంటూ వివరణ ఇచ్చాడు. దీంతో అప్పట్లో వచ్చిన రూమర్స్ నిజమే అంటూ తేలిపోయింది.
