ఫలితం ఏదైనా సిన్సియర్ గా పనిచేయడమే మనకు తెలిసిన పని అనే హీరోల్లో రవితేజ ఒకరు. రాజా ది గ్రేట్ తో విజయాన్ని అందుకున్న మాస్ మహారాజ .. టచ్ చేసి చూడు సినిమాతో అపజయాన్ని చవిచూశారు. ఈ సినిమా రిజల్ట్ తో బాధపడకుండా మరో సినిమాని పూర్తి చేసే పనిలో పడ్డారు. సోగ్గాడే చిన్ని నాయన ఫేమ్ కళ్యాణ్ కృష్ణ దర్శకత్వంలో రవితేజ చేస్తున్న “నేల టికెట్” వేగంగా షూటింగ్ జరుపుకుంటోంది. ఇందులోమాళవిక శర్మ హీరోయిన్ గా నటిస్తోంది. రామ్ తాళ్లూరి నిర్మిస్తున్న ఈ మూవీలో జగపతి బాబు ఓ కీలక పాత్రలో కనిపించనున్నారు.
ఈ మూవీ షూటింగ్ పూర్తి కాకముందే శాటిలైట్ హక్కులు భారీ ధరకు అమ్ముడుపోయాయి. హిందీ డబ్బింగ్ రైట్స్ ని కూడా ఇప్పుడే కొనుగోలుచేశారు. ఈ రెండు హక్కుల కోసం సన్ టీవీ వాళ్ళు 25 కోట్లు చెల్లించినట్లు నిర్మాత మీడియాతో వెల్లడించారు. ఈ విషయం చిత్ర యూనిట్ కి మరింత ఉత్సాహాన్ని ఇచ్చింది. శాటిలైట్ హక్కులే ఇంత ధర పలికితే థియేటర్ రైట్స్ ఏ రేంజ్ లో ఉంటాయోనని టాలీవుడ్ ట్రేడ్ వర్గాల వారు మాట్లాడుకుంటున్నారు. ఈ సినిమాని త్వరలో కంప్లీట్ చేసి
శ్రీను వైట్ల దర్శకత్వంలో నటించనున్నారు. ప్రీ ప్రొడక్షన్ దశలో ఉన్న ఈ సినిమాకి “అమర్ అక్బర్ ఆంటోనీ” అని టైటిల్ ని ఫిక్స్ చేశారు.
