కొందరు పాపులర్ హీరోయిన్లు పలు ప్రొడక్ట్స్ కి బ్రాండ్ అంబాసిడర్ గా వ్యవహరించడం సర్వ సాధారణమైన విషయం. ఇందుకోసం వారికి భారీగానే పారితోషికాలు చెల్లిస్తుంటారు. ఇక ఆ విషయం పక్కన పెడితే కొత్త హీరోయిన్లు కొంతమంది ఆ ప్రోడక్ట్ ఏమిటి.. అసలు అది ఎలాంటిది అని ఆలోచించకుండా డబ్బులు వస్తే చాలు అన్నట్టు.. వాటిని ప్రమోట్ చేయడానికి అంగీకరించేసి విమర్శల పాలవుతారు. కానీ పెద్ద హీరోయిన్లు మాత్రం కాస్త ఆచి తూచి … ఆ ప్రోడక్ట్ పై అవగాహన తెచ్చుకుని… అసలు దానిని ప్రమోట్ చేయొచ్చా… లేదా అని ఒకటికి పది సార్లు ఆలోచించి గాని అంగీకరించరు. ఒక వేళ అది హానికరమైన ప్రోడక్ట్ అయితే అస్సలు అంగీకరించకుండా.. తప్పుకుంటారు.
ఇదిలా ఉండగా… ఇటీవల అక్కినేని వారి కోడలు సమంత ‘కుర్ కురే’ ప్రొడక్ట్ కి బ్రాండ్ అంబాసిడర్ వ్యవహరిస్తుంది. ఈ ప్రోడక్ట్ ని ప్రమోట్ చేస్తూ తన ట్విట్టర్లో ఓ పోస్ట్ పెట్టింది. ఇక అంతే.. నెటిజన్లు ఆమెని టార్గెట్ చేయడం మొదలుపెట్టారు. ‘ఇది ఆరోగ్యానికి హానికరమైన ప్రొడక్ట్… దయచేసి ఇలాంటి వాటిని ప్రమోట్ చేయొద్దు’ అని కొందరు కామెంట్లు పెడుతుంటే… డబ్బు కోసం ఏ ప్రోడక్ట్ పడితే ఆ ప్రోడక్ట్ ని ప్రమోట్ చేసేస్తావా అంటూ మరికొందరు సమంత పై మండిపడుతున్నారు. మరి ఈ ట్రోల్ల్స్ పై సమంత ఎలా రియాక్ట్ అవుతుందో చుడాలి.
