‘సుమంత్ పని అయిపోయింది’ అనుకున్న ప్రతిసారి ఓ డీసెంట్ హిట్ ఇచ్చి ఆ కామెంట్స్ కి బ్రేక్ వేస్తుంటాడు. ‘మళ్ళీరావా’ తో సుమంత్ సెకండ్ ఇన్నింగ్స్ మొదలైంది. ఆ తర్వాత ‘సీతా రామం’సార్’ వంటి సినిమాల్లో అత్యంత కీలక పాత్రలు పోషించి క్రిటిక్స్ ను మెప్పించాడు. ‘అనగనగా’ తో ఓటీటీ మార్కెట్ కూడా ఏర్పరుచుకున్నాడు. అతను ప్రధాన పాత్రలో.. ఈటీవీ విన్ అసోసియేషన్ తో రూపొందిన మరో ఇంట్రెస్టింగ్ మూవీ ‘న్యూటన్స్ 3rd లా’. ఈరోజు ప్రేక్షకుల ముందుకు వచ్చిన ఈ సినిమాతో సుమంత్ (Sumanth) ఎలాంటి మేజిక్ క్రియేట్ చేశాడో తెలుసుకుందాం రండి :
కథ : సిక్కింలో ఉన్న జులుక్లో ఈ కథ మొదలవుతుంది. 2026లో (ప్రస్తుత టైమ్లైన్లో) డేవిడ్ అలియాస్ కిషోర్ (అవసరాల శ్రీనివాస్) ‘న్యూటన్స్ థర్డ్ లా పార్ట్ 1’ పుస్తకం చదువుతూ ఉంటాడు. అక్కడి నుంచి కథ వెంటనే 1999కి షిఫ్ట్ అవుతుంది.
అక్కడ తన భర్త చనిపోయిన వార్త తెలుసుకున్న జ్యోతి (Neha Pathan) తన కూతురు శ్రావ్యతో కలిసి తణుకు బయలుదేరుతుంది. ఈ ప్రయాణంలో జ్యోతికి యాక్సిడెంట్ అవుతుంది. తల్లి మరణించడంతో శ్రావ్య అనాథ అవుతుంది.
మరోవైపు వినయ్ (త్రినాథ్ వర్మ) ఫోన్ మాట్లాడేందుకు తన అపార్ట్మెంట్ టెర్రస్ పైకి వెళ్తాడు. తర్వాత ఎవరూ ఊహించని విధంగా అతను అపార్ట్మెంట్ పై నుంచి కింద పడి మరణిస్తాడు. అతని మరణం వెనుక ఉన్న నిజాన్ని బయటపెట్టేందుకు రంగంలోకి దిగుతాడు పోలీస్ ఆఫీసర్ వాసుదేవ్ (Sumanth).
ఈ క్రమంలో వాసుదేవ్కు ఒక షాకింగ్ నిజం తెలుస్తుంది. వినయ్ పైనుంచి పడి ప్రమాదవశాత్తు మరణించలేదని, అతడి మృతదేహానికి పోస్ట్ మార్టం చేస్తున్నప్పుడు తలలో ఒక బుల్లెట్ లభ్యమవుతుంది. దీంతో కేసు మరింత కాంప్లికేటెడ్గా మారుతుంది.
వినయ్, జ్యోతిల మరణాల వెనుక ఉన్నది ఎవరు? అసలు మెర్క్యూరీ (జగపతి బాబు)కి, వినయ్కి ఉన్న సంబంధం ఏంటి? వినయ్ చనిపోవడానికి ముందు కార్తీక్ (గౌతం పండిట్) అతడితో ఎందుకు గొడవపడ్డాడు? ఈ ప్రశ్నలకు సమాధానమే మిగిలిన సినిమా.
నటీనటుల పనితీరు: సుమంత్ సటిల్డ్ రోల్స్ చాలా బాగా చేస్తాడు. అతని బాడీ లాంగ్వేజ్ కి తగిన పాత్ర ఈ సినిమా ద్వారా అతనికి లభించింది. అందువల్ల వాసుదేవ్ పాత్ర సహజంగా అనిపిస్తుంది. ‘కమిటీ కుర్రోళ్ళు’ ఫేమ్ త్రినాథ్ వర్మ కూడా వినయ్ పాత్రలో చాలా నేచురల్ గా పెర్ఫార్మ్ చేశాడు. ఇతని ఫ్రెండ్ రోల్ చేసిన గౌతం పండిట్ కూడా బాగా చేశాడు.
రాబోయే రోజుల్లో ఇతను కూడా బిజీ ఆర్టిస్ట్ అయిపోయినా ఆశ్చర్యపోనవసరం లేదు. తల్లి పాత్రలో షెల్లీ ఎన్ కుమార్ కూడా బాగా చేసింది. తల్లి పాత్రలకి ఈమె కూడా ఓ మంచి ఆప్షన్ గా టాలీవుడ్ మేకర్స్ భావించే అవకాశాలు ఉన్నాయి. జగపతి బాబు పాత్ర విలన్ రోల్ కి తక్కువ కెమియోకి ఎక్కువ అన్నట్టు ఉంటుంది. అవసరాల శ్రీనివాస్ పాత్ర కూడా ఆల్మోస్ట్ అంతే. ఇక రవివర్మ, నేహా పఠాన్ కూడా పర్ఫెక్ట్ క్యాస్టింగ్ అనిపించుకున్నారు.
సాంకేతిక నిపుణుల పనితీరు: న్యూటన్స్ 3rd లా అంటే చాలా మందికి తెలిసిందే. మన యాక్షన్స్ కి తగినట్టే ఈక్వల్ గా రియాక్షన్స్ ఉంటాయి అనేది దాని అర్థం. దీనిని దర్శకుడు కర్మ సిద్ధాంతానికి లింక్ చేసిన విధానం బాగుంది. కోర్ ఐడియా చాలా బాగుంది. సినిమా స్టార్టింగ్ ఇంట్రెస్టింగ్ గా ఉంటుంది. మొదటి 15 నిమిషాల్లోనే 2 మర్డర్స్ జరుగుతాయి… దీంతో ఆడియన్స్ మరింత అటెన్షన్ తో సినిమాని చూడటం మొదలుపెడతారు. కానీ తర్వాత వచ్చే ఇన్వెస్టిగేషన్ ఎపిసోడ్స్ రిపీటెడ్ ఫీలింగ్ ను కలిగిస్తాయి. అందువల్ల ఫ్లాట్ గా అనిపిస్తుంది. ఇంటర్వెల్ బ్లాక్ ఆడియన్స్ ను ఒకింత కన్ఫ్యూజన్ కి గురిచేస్తుంది. అయితే సెకండాఫ్ లో వచ్చే రాబరీ సీన్, ఫ్రెండ్స్ మధ్య వచ్చిన కాన్ఫ్లిక్ట్ ఎపిసోడ్ బాగానే అనిపిస్తుంది. ముఖ్యంగా డ్రింకింగ్ ఎపిసోడ్ ఆ తర్వాత వచ్చే ఫైట్ సీన్ కూడా ఆకట్టుకుంటుంది.
క్లైమాక్స్ ట్విస్టులు కూడా బాగుంటాయి. అయితే విలన్ గ్యాంగ్ పై హీరో ఎటువంటి యాక్షన్ తీసుకోకుండా వదిలేయడం అనేది ఒక ఇన్ – కంప్లీట్ ఫీలింగ్ కలిగిస్తుంది. టెక్నికల్ టీమ్ విషయానికి వస్తే.. సిన్జిత్ మ్యూజిక్ బాగుంది. కానీ పాటలు సినిమా ఫ్లోకి అడ్డంకిగా మారాయి. ఇలాంటి సీరియస్ సబ్జెక్ట్ కి పాటలు అనవసరం అనిపిస్తాయి. బీజీఎం ఓకె. నిర్మాణ విలువలు గ్రాండ్ గా ఏమీ అనిపించవు. కానీ ఎక్కడా తక్కువ అని పేరు పెట్టడానికి లేదు. సినిమాటోగ్రాఫర్ వర్క్ బాగుంది. ఎడిటింగ్ ఇంకాస్త క్రిస్ప్ గా ఉంటే బాగుండేది.
విశ్లేషణ: థ్రిల్లర్ సినిమాలకి స్క్రీన్ ప్లే రేసీగా ఉండటం చాలా ముఖ్యం. ఇంతకు ముందు చెప్పుకున్నట్టు ‘న్యూటన్స్ థర్డ్ లా’ (Newton’s 3rd Law) మంచి కాన్సెప్ట్ తో రూపొందిన సినిమా .. కానీ ఫస్ట్ హాఫ్ లో కొంత సాగధీత ఉండటం, పాటలు వంటివి ఈ సినిమా స్థాయిని తగ్గించాయి. ముఖ్యంగా క్లైమాక్స్ ఒక ఇన్- కంప్లీట్ ఫీలింగ్ ఇస్తుంది.
ఫోకస్ పాయింట్: మంచి కాన్సెప్ట్ తో వచ్చిన ఇన్-కంప్లీట్ థ్రిల్లర్
రేటింగ్: 2.5/5
