నాగ చైతన్య హీరోగా వచ్చిన ‘సవ్యసాచి’ చిత్రంతో టాలీవుడ్ కు గ్రాండ్ ఎంట్రీ ఇచ్చింది నిధి అగర్వాల్. అయితే ఈ చిత్రం పెద్ద డిజాస్టర్ గా మిగిలింది. అయినప్పటికీ ఈ అమ్మడికి మంచి క్రేజ్ వచ్చింది. తరువాత కూడా నాగ చైతన్య తమ్ముడు అఖిల్ చిత్రంలో ఆఫర్ వచ్చింది. ఈ చిత్రం కూడా డిజాస్టర్ గానే మిగిలింది. దీంతో ఈ అమ్మడికి ఐరన్ లెగ్ అనే ముద్ర పడిపోయింది. మంచి టాలెంట్, గ్లామర్ ఉన్నప్పటికీ ఈ భామ నిలదొక్కుకోలేకపోతుంది. అయినప్పటికీ అమ్మడు లక్ అనుకుంట… రామ్ చిత్రంలో ఛాన్స్ వచ్చింది.
రామ్ హీరోగా డాషింగ్ డైరెక్టర్ పూరి జగన్నాథ్ డైరెక్షన్లో రూపొందుతున్న ‘ఇస్మార్ట్ శంకర్’ చిత్రంలో హీరోయిన్ గా నటిస్తుంది నిధి. పూరి డైరెక్ట్ చేసే చిత్రాలు హిట్టైతే అందులో నటించే హీరోయిన్ కు తిరుగుండదు అని ప్రత్యేకంగా చెప్పనక్కర్లేదు. పెర్ఫార్మెన్న్ చేయడానికి స్కోప్ ఉన్నా… లేకపోయినా.. సన్నివేశాలు, పాటలతో సినిమా మొత్తం అందంగా కనిపిస్తూ ప్రేక్షకులతో పాస్ మార్కులు వేయించుకోవచ్చు. మరి తన కెరీర్ కు ఈ చిత్రం ఎంతవరకూ కలిసొస్తుందో చూడాలి మరి..!
