‘మెగా డాటర్’ గా ఇండస్ట్రీకి ఎంట్రీ ఇచ్చిన నిహారిక కొణిదెల ఏమాత్రం రాణించలేకపోయిందనే చెప్పాలి. ‘ఒక మనసు’ చిత్రం కాస్త పర్వాలేదని పించినప్పటికీ.. అటు తరువాత వచ్చిన ‘హ్యాపీ వెడ్డింగ్’ ‘సూర్యకాంతం’ చిత్రాలు ఘోరంగా డిజాస్టర్లు అయ్యాయి. ‘వెబ్ సిరీస్ లకి అలాగే సీరియల్స్ కి దగ్గరగా ఉన్నాయి తప్ప సినిమా చూసిన ఫీలింగ్ ఏమాత్రం కలగలేదని’ ప్రేక్షకులు ఆ చిత్రాల్ని తిప్పికొట్టారు. ‘గ్లామర్ పాత్రలు ఏమాత్రం చేయకూడదు అని కుటుంబ సభ్యులు షరతులు పెట్టారని.. కాబట్టి అలాంటి పాత్రలు చేయలేనని.. అందుకే నాకు ఎక్కువ ఆఫర్లు రావడం లేదని’ కూడా ఓ సందర్భంలో చెప్పింది నిహారిక.
ఇక ‘సూర్యకాంతం’ కూడా ప్లాపయింది.. తరువాతి సినిమాని అనౌన్స్ చేయలేదు.. మరి నిహారిక ఇప్పుడు ఏం చేస్తున్నట్టు.. అనే విషయం పై ప్రస్తుతం చర్చ జరుగుతుంది. ఈ క్రమంలో ఓ ఫోటోని తన సోషల్ మీడియాలో పోస్ట్ చేసింది నిహారిక. ఈ ఫొటోలో ‘గేమ్ ఆఫ్ థ్రోన్స్’ స్టైల్లో ఓ మాంత్రికురాలిగా కనిపిస్తుంది. ప్రస్తుతం ఈ ఫోటో సోషల్ మీడియాలో తెగ వైరలవుతుంది. ప్రస్తుతం మెగాస్టార్ 151 చిత్రమైన ‘సైరా’ లో ఓ కీలక పాత్ర పోషిస్తున్న నిహారిక.. త్వరలోనే నిర్మాతగా మారి.. వెబ్ సిరీస్ లు అలాగే సినిమాలు కూడా నిర్మిస్తుందని ప్రచారం జరుగుతుంది. అయితే ఆ విషయాన్ని అధికారికంగా ప్రకటించలేదు.
