హను రాఘవపూడి దర్శకత్వంలో నితిన్ హీరోగా నటించిన “లై” సినిమా షూటింగ్ పూర్తి చేసుకొని పోస్ట్ ప్రొడక్షన్ పనులు జరుపుకుంటోంది. ఈ మూవీ ఆగస్ట్ 11 న విడుదల కానున్న సందర్భంగా ప్రీ రిలీజ్ వేడుకను ఘనంగా నిర్వహించాలని చిత్ర బృందం ప్లాన్ చేస్తోంది. ఈ కార్యక్రమానికి నితిన్ అభిమాన హీరో పవన్ కళ్యాణ్ ముఖ్య అథితిగా వస్తారని అందరూ అనుకున్నారు. అయితే ఈ సారి మహేష్ బాబు రానున్నట్లు సమాచారం. ఏంటి పవన్ కి, నితిన్ కి మధ్య ఏమైనా గొడవలా? అని కంగారు పడకండి. అటువంటిది ఏమీ లేదు.
లై సినిమా నిర్మాణ సంస్థ 14 రీల్స్ ఎంటర్టైన్మెంట్స్ తో మహేష్ బాబుకి ఉన్న అనుబంధం కారణంగా ఆయన ప్రీ రిలీజ్ వేడుకకు వచ్చేందుకు అంగీకరించినట్లు తెలిసింది. ప్రస్తుతం మహేష్ స్పైడర్ సినిమాకి డబ్బింగ్ చెబుతూ, కొరటాల శివ దర్శకత్వంలో భరత్ అనే నేను సినిమా షూటింగ్ లో బిజీగా ఉన్నారు. ఈ బిజీ షెడ్యూల్ గ్యాప్ లో లై ప్రీ రిలీజ్ వేడుకకు మహేష్ డేట్ కేటాయించనున్నారు. అతను డేట్ ఫిక్స్ చేసిన వెంటనే చిత్ర బృందం అధికారిక ప్రకటన చేయనున్నారు.
Also, do SUBSCRIBE to our YouTube channel to get latest Tollywood updates.
