మొత్తానికి ‘లక్ష్మీస్ ఎన్టీఆర్’ చిత్రాన్ని విడుదల చేసి ఆంధ్రప్రదేశ్ ముఖ్యమంత్రి అయిన చంద్రబాబు నాయుడు గాలి చాలా వరకూ తీసేసాడు వర్మ. ఆంధ్రప్రదేశ్ లో ఈ చిత్రం విడుదల కాకపోయినా తెలంగాణాలోనూ అలాగే ఓవర్సీస్లో ఈ చిత్రానికి మంచి స్పందన లభించింది. ఈ మధ్య ఆర్జీవీ తీసిన ఏ సినిమా కూడా ఇలా ఆడలేదు. ఇక తనకి వివాదాస్పద సినిమాలే కరెక్ట్ అని ఆర్జీవీ ఫీలవుతున్నాడనుకుంట… ఇప్పుడు మరో వివాదాస్పదమైన చిత్రం చేయడానికి రెడీ అవుతున్నాడు.
వివరాల్లోకి వెళితే.. మరో బయోపిక్‌ను రూపొందించడానికి రెడీ అవుతున్నట్టు తాజాగా వర్మ వెల్లడించాడు. తన ట్విట్టర్ ద్వారా వర్మ ఈ విషయాన్ని వెళ్ళడించాడు. ఇంతకీ ఆ బయోపిక్ ఎవరిదో తెలుసా…? తమిళనాడు దివంగత ముఖ్యమంత్రి జయలలిత నెచ్చెలి శశికళ బయోపిక్. మనసంటూ లేని ఓ కఠినాత్ములు, జైళ్లు , మన్నార్‌గుడి గ్యాంగ్స్ కు వ్యతిరేకంగా అల్లుకున్న ఓ బంధం కథ.’ అంటూ వర్మ ఓ పోస్టర్‌ను విడుదల చేశాడు. మరి ఈ చిత్రంతో ఇంకెన్ని వివాదాలు చోటుచేసుకుంటాయి చూడాలి.
