బాలీవుడ్ విలక్షణ నటుడు అనిల్ కపూర్ తనయ సోనమ్ కపూర్ మంచి నటిగా పేరుతెచ్చుకుంటోంది. పదేళ్ళ క్రితమే సినీ రంగంలోకి అడుగు పెట్టిన ఈ భామ ఆలస్యంగా విజయం అందుకుంది. ఐ హేట్ లవ్ స్టోరీస్ అనే చిత్రంలో ఫామ్లోకి వచ్చింది. ఒక స్టార్ కూతురిగా కాకుండా సొంత కాళ్ళపైనే ఎదిగింది. ఈ ఏడాది విడుదలైన “నీర్జా” సినిమాతో ఆమె సినీ విమర్శకుల ప్రసంసలు అందుకుంది. ఈ జీరో సైజ్ సుందరి మొన్ననే (జూన్ 9) పుట్టిన రోజుని జరుపుకుంది.
ఈ సందర్భంగా విలేకరులతో ముచ్చటించింది. తనకు ఇప్పుడు 31 ఏళ్లు అని గర్వంగా చెప్పింది. దాంతో విస్తుపోయిన జర్నలిస్టులు.. ఏ హోరోయిన్ అయినా వయసు చెప్పడానికి సిగ్గుపడతారు. మీరేంటి ఇలా చెప్పేస్తున్నారు అని సోనమ్ ని అడిగారు.
అందుకు ఆమె ” వయసు చెప్పడానికి ఇతరులు ఎందుకు సిగ్గుపడతారో నాకు తెలియదు. నేను మాత్రం సిగ్గుపడను” అంటూ నవ్వుతూ సమాధానం చెప్పింది. మూడు పదుల వయసులో కూడా టీనేజ్ అమ్మాయిలా కనిపిస్తుంటే సోనమ్ కపూర్ కి వయసుతో పనేముందని ఆమె అభిమానులు గర్వంగా చెబుతున్నారు.
