బోయపాటి శ్రీను దర్శకత్వంలో మెగా పవర్ స్టార్ రామ్ చరణ్ తేజ్ చేస్తున్న మూవీ షూటింగ్ వేగంగా జరుగుతోంది. ఈ చిత్ర టైటిల్, ఫస్ట్ లుక్ ని మెగాస్టార్ చిరంజీవి పుట్టినరోజు ఆగస్టు 22 న రిలీజ్ చేస్తారని, పవన్ కళ్యాణ్ పుట్టినరోజు సందర్భంగా సెప్టెంబర్ 2 న రిలీజ్ చేస్తారని అభిమానులు ఆశపడ్డారు. కానీ టైటిల్ కూడా రివీల్ కాలేదు. వినాయకచవితి.. దసరాకైనా రిలీజ్ చేస్తారని ఎదురుచూసారు. నిరాశే మిగిలింది. ఈ సినిమా ఫస్ట్ లుక్ ఆలస్యానికి టైటిల్ కారణమని తెలిసింది. అందుకే “విన‌య విధేయ రామ” అనే టైటిల్ ని రీసెంట్ గానే ఫైనల్ చేశారు. బోయపాటి సూచించిన టైటిల్ కి చరణ్ ఒకే చెప్పినప్పటికీ చిరంజీవి గ్రీన్ సిగ్నల్ ఇవ్వలేదని సమాచారం.
మెగాస్టార్ కి ఈ టైటిల్ నచ్చలేదని ఫిలిం నగరవాసులు చెప్పారు. అందుకే ఏ టైటిల్ తో ఫస్ట్ లుక్ రిలీజ్ చేయాలో తెలియక చిత్ర బృందం పనులను ఆపేసిందని టాక్. చిరుని మెప్పించే టైటిల్ ని బోయపాటి చెబుతారా? లేకుంటే అదే టైటిల్ కి ఒప్పిస్తారా? అనేది ఆసక్తికరంగా మారింది. బాలీవుడ్ బ్యూటీ కైరా అద్వానీ హీరోయిన్ గా నటిస్తున్న ఈ మూవీ షూటింగ్ ఇప్పుడు వైజాక్ లో జరుగుతోంది. రాక్ స్టార్ దేవీ శ్రీ ప్రసాద్ సంగీతమందిస్తున్న ఈ సినిమా సంక్రాంతికి థియేటర్లోకి రానుంది.
