“ఇప్పటి తరం హీరోల్లో కష్టపడి పైకి వచ్చిన వారిలో ఎన్టీఆర్ ఒకరు. అతను నాకు మంచి మిత్రుడు” .. ఈ మాటలు అన్నది ఎవరో కాదు స్టైలిష్ స్టార్ అల్లు అర్జున్. మాటీవీ సినీ అవార్డ్స్ వేదికపై బన్నీ తారక్ ని ప్రశంసించడం చాలా మంది ప్రత్యక్షంగా చూసారు. అతని మాటలను ఇటు నందమూరి అభిమానులు, మెగా ఫ్యాన్స్ మొదట షాక్ తిన్నా తర్వాత ఆనందపడ్డారు. వారిని మరింత సంతోషకలిగించే విషయం ఇప్పుడు మరోటి జరిగింది. అది ఏమిటంటే.. ఓ యువ డైరక్టర్ రీసెంట్ గా ఎన్టీఆర్ కి కథ చెప్పారు. అది తారక్ కి సూపర్ గా నచ్చింది. ఇందులో ట్విస్ట్ ఒకటి ఉంది. ఈ స్టోరీలో ఎన్టీఆర్ తో పాటు మరో హీరో కూడా ఉంటారు. అందుకు తారక్ ఏమి ఇబ్బంది పడలేదు.
డిఫరెంట్ కథలతో ముందుకు సాగాలని భావిస్తున్న యంగ్ టైగర్ కి ఈ విషయం ఉత్సాహాన్ని కలిగించింది. తనతో కలిసి ఎవరు నటిస్తారని ఆలోచనలో పడిన ఎన్టీఆర్ కి ఆ డైరక్టర్ మంచి సలహా ఇచ్చారు. అల్లు అర్జున్ అయితే బాగుంటుందని వివరించడంతో తారక్ సంతోషంగా ఒప్పుకున్నారు. ఇక బన్నీని ఒప్పించడానికి ఆ డైరక్టర్ సిద్ధమవుతున్నారు. హరీష్ శంకర్ దర్శకత్వంలో దువ్వాడ జగన్నాధం సినిమా చేస్తున్న అల్లు అర్జున్ ఈ కథను ఎలా రిసీవ్ చేసుకుంటారోనని అందరూ ఎదురుచూస్తున్నారు. ఆయనగాని ఒప్పుకుంటే అద్భుతమైన మల్టీ స్టారర్ మూవీ తెరకెక్కడం ఖాయం. ఈ ప్రాజెక్ట్ ఒకే కావాలని ఫిల్మ్ ఫోకస్ కూడా కోరుకుంటోంది.
Also, do SUBSCRIBE to our YouTube channel to get latest Tollywood updates.
