నందమూరి అభిమానులకు శుభవార్త. నటసింహ నందమూరి బాలకృష్ణ వందో చిత్రం ‘గౌతమీపుత్ర శాతకర్ణి’ ప్రీమియర్ షో కి యంగ్ టైగర్ ఎన్టీఆర్ రానున్నట్లు సమాచారం అందింది. ఈ మూవీ ట్రైలర్ రిలీజ్ రోజు “గౌతమీపుత్ర శాతకర్ణి ట్రైలర్ అదిరిపోయింది. బాబాయ్ చాలా బాగా నటించారు. ఇదివరకు చిత్రాల కంటే బాబాయ్ ని ఇందులో గొప్పగా చూపించారు క్రిష్” అంటూ తారక్ ట్వీట్ చేశారు. దీంతో బాబాయ్ కి, అబ్బాయికి మధ్య విభేదాలు తొలిగి పోయాయని ఫ్యాన్స్ సంబరపడ్డారు. ఆడియో ఫంక్షన్ కి వస్తారని ఆశించారు. కానీ రాలేదు. అందుకు గల కారణాలు తెలియడం లేదు గానీ.. ఈ శాతకర్ణి ప్రీమియర్ షో కి తప్పకుండా వస్తారని ఫిలిం వర్గాలు చెబుతున్నాయి.
శాతవాహనుల రాజుల్లో గొప్పవాడిన గౌతమి పుత్ర శాతకర్ణి జీవితం ఆధారంగా తెరకెక్కిన ఈ మూవీ జనవరి 12 న థియేటర్లలోకి రానుంది. అంతకంటే ముందుగా .. అంటే 11 వ తేదీ రాత్రి సినీ పెద్దలకు హైదరాబాద్ లో ప్రీమియర్ షో వేయనున్నారు. ఇందుకు తెలుగు సినీ డైరక్టర్లు, హీరోలతో పాటు ఎన్టీఆర్ కూడా వస్తారని తాజాగా తెలిసింది. బాబాయ్ చిత్రాన్ని ఎప్పుడెప్పుడు చూద్దామా? అనే ఆత్రుతతో తారక్ ఉన్నారని ఆయన సన్నిహితులు వెల్లడించారు.
Also, do SUBSCRIBE to our YouTube channel to get latest Tollywood updates.
