అమీర్ ఖాన్ మాటలకు ఆందోళన చెందుతున్న ఎన్టీఆర్

తెలుగు ప్రజలందరికీ శ్రీకృష్ణుడు అంటే మహానటుడు నందమూరి తారక రామారావే గుర్తుకువస్తారు. ఆయన రూపు, మాట తీరు, నటన… దేవుడంటే ఇలాగే ఉంటారని  ప్రేక్షకుల మదిలో ముద్రపడిపోయింది. అటువంటి పాత్రలో తాను కూడా నిరూపించుకోవాలని యంగ్ టైగర్ ఎన్టీఆర్ ఎప్పటినుంచో ఎదురు చూస్తున్నారు. తాత నటించిన యమగోల వంటి స్క్రిప్ట్ తో యమదొంగ చేసి తాతకు తగ్గ తనయుడినిపించుకున్నారు. దర్శకధీరుడు ఎస్.ఎస్.రాజమౌళి తన పౌరాణిక పాత్రల్లో బాగా చూపిస్తారని భావిస్తున్నారు. బాహుబలి షూటింగ్ లో బిజీగా ఉన్న జక్కన్న దీని తర్వాత మహా భారతాన్ని తెరకెక్కిస్తారని అందరూ అనుకుంటున్నారు.

ఆ వార్త బాలీవుడ్ లోకూడా చక్కర్లు కొడుతోంది. అందుకే ముందుగా మీడియా ముఖంగా ఆ సినిమాలో శ్రీ కృష్ణుడి పాత్ర తాను పోషిస్తానంటూ బాలీవుడ్ మిస్టర్ పర్ఫెక్ట్ అమీర్ ఖాన్ కర్చీఫ్ వేసేసారు. తాను నటించిన దంగల్ మూవీ ప్రమోషన్లో హైదరాబాద్ వచ్చిన ఆయన తన మనసులోని మాటను బయట పెట్టారు. దీంతో అటు రాజమౌళి, ఇటు ఎన్టీఆర్ ఇరకాటంలో పడ్డారు. అమీర్ కి వరల్డ్ వైడ్ ఫ్యాన్స్ ఉన్నారు. అతన్ని కృష్ణుడు రోల్ లో చూపిస్తే మార్కెట్ బాగుంటుంది. సో రాజమౌళి అటు వైపే మొగ్గు తారు. ఎన్టీఆర్ ఇక కర్ణుడిగా, దుర్యోధనుడిగా సర్దుకోవాల్సి ఉంటుంది. అందుకే తారక్ నిన్నటి నుంచి ఆందోళనలో ఉన్నారంట.

Also, do SUBSCRIBE to our YouTube channel to get latest Tollywood updates.