యంగ్ టైగర్ ఎన్టీఆర్ కి కథ ఒకే అయింది. డైరక్టర్ ఫిక్స్ అయ్యారు. నిర్మాత రెడీగా ఉన్నారు. ఎన్టీఆర్ ఆర్ట్స్ బ్యానర్లో నందమూరి కళ్యాణ్ రామ్ నిర్మించనున్న తారక్ 27 మూవీ ఈ నెల 9 న పూజా కార్యక్రమాలు జరుపుకోనుంది. డైరక్టర్ బాబీ టెక్నీషియన్లు, ఆర్టిస్టుల ఎంపిక పనుల్లో బిజీగా ఉన్నారు. తారక్ మాత్రం కొత్త మూవీలో ఎలా కనిపిస్తే బాగుంటుందోనని స్టైలిష్ లతో చర్చిస్తున్నారని తెలిసింది. హై ఇంటెన్సిటీ ట్రైనింగ్ (హిట్) పేరుతో టోన్డ్ బాడీ కోసం ఎన్టీఆర్ కసరత్తులు చేస్తున్నారని సమాచారం.
ఇందుకోసం ప్రత్యేకంగా ట్రైనర్‌ను ఎంపిక చేసుకొని, డైట్ ఫాలో అవుతూ వర్కవుట్స్ మొదలు పెట్టారంట. మరో నెల రోజుల్లో కొత్త లుక్ లో కనిపించనున్నారు. టెంపర్, నాన్నకు ప్రేమతో, జనతా గ్యారేజ్ ఇచ్చిన హ్యాట్రిక్ విజయం ఎన్టీఆర్ లో కాన్ఫిడెన్స్ ని పెంచింది. అందుకే దైర్యంగా విభిన్నమైన కథను సెలక్ట్ చేసుకోవడమే కాకుండా, కొత్తగా కనిపించేందుకు ఉత్సాహం చూపిస్తున్నారు. సంక్రాంతి తర్వాత సెట్స్ మీదకు వెళ్లనున్న ఈ సినిమా వివరాలు పూర్తిగా తెలుసుకోవాలని ఎన్టీఆర్ ఫ్యాన్స్ ఎదురుచూస్తున్నారు.
Also, do SUBSCRIBE to our YouTube channel to get latest Tollywood updates.
