ఇటీవల కాలంలో పెన్నుతో ప్రతిభ చూపి మెగాఫోన్ పట్టిన వారిలో అనిల్ రావిపూడి ఒకరు. కళ్యాణ్ రామ్ హీరోగా ‘చేసిన పటాస్’ సినిమాతో తొలి ప్రయత్నంలోనే హిట్ కొట్టిన ఈ యువ దర్శకుడు రెండో సినిమాగా సాయి ధరమ్ తేజ్ తో ‘సుప్రీమ్’ సినిమా చేసిన సంగతి తెలిసిందే. రెండో సినిమా కూడా హిట్ అవ్వడంతో పరిశ్రమ వర్గాల్లో అనిల్ పై నమ్మకం ఏర్పడింది. అప్పట్లో బాలయ్యకి ఓ కథ వినిపించిన అనిల్ తాజాగా ఎన్టీఆర్ తో మూడో సినిమా చేసేందుకు సన్నాహాలు చేస్తున్నారట.ఎన్టీఆర్ తర్వాతి సినిమా కోసం చర్చలు జోరుగా సాగుతున్నాయి.
పూరి, వక్కంతం సహా తమిళ దర్శకుడు లింగుసామి వంటి వారు ఎన్టీఆర్ దర్శకుల జాబితాలో అనిల్ రావిపూడి కూడా చేరాడట. ఎన్టీఆర్ అన్న కళ్యాణ్ రామ్ తో పటాస్ సినిమా చేసి చాన్నాళ్లకు అతడి ఖాతాలో ఓ హిట్ వేసిన అనిల్ ఆ అనుబంధంతోనే ఎన్టీఆర్ కోసం ఓ కథ ఉందని తెలిపాడట. త్వరలో ఎన్టీఆర్ కి ఆ కథను వినిపించనున్నాడట అనిల్. మామూలు కథలను ఎంటర్టైన్మెంట్ జోడించి హిట్ కొడుతున్న అనిల్ కు ఎన్టీఆర్ ఎలాంటి సమాధానమిస్తాడో మరి. అలా అని ఈ కాంబినేషన్ తీసి పారేసింది కూడా కాదు. దీనిపై క్లారిటీ రావాలంటే కొన్నాళ్ళు ఆగాల్సిందే.
