జై లవకుశ సినిమా తర్వాత త్రివిక్రమ్ శ్రీనివాస్ దర్శకత్వంలో తారక్ సినిమా చేస్తున్న సంగతి తెలిసిందే. ఈ సినిమా గురించి రోజుకో వార్త సోషల్ మీడియాలో హల్ చల్ చేస్తోంది. ఫ్యామిలీ కథ అని, ఆర్మీ ఆఫీసర్ గా ఎన్టీఆర్ కనిపించబోతున్నట్లు రకరకాల గాసిప్స్ వినిపిస్తున్నాయి. అయితే ఈ వార్తలకు త్వరలోనే ఫుల్ స్టాప్ పడనుందని చిత్ర యూనిట్ సభ్యులు తెలిపారు. కథ, క్యారెక్టర్ గురించి డైరక్టర్ త్వరలోనే స్పష్టం చేయనున్నట్లు వెల్లడించారు. ఇంకా ఎన్టీఆర్ కసరత్తు గురించి వివరిస్తూ… ఎన్టీఆర్ బరువు తగ్గడం నిజమని పేర్కొన్నారు.
అందుకోసం ముంబయి న్యూట్రిషన్ తో సలహాలు తీసుకొని, నిపుణులు చెప్పినట్లుగా డైట్ ఫాలో అవుతున్నారని వివరించారు. అంతేకాదు రోజూ జిమ్ కి వెళ్లి బాడీని మరింత ఫిట్ గా తయారు చేసే పనిలో ఉన్నారన్నారు. టెంపర్ సినిమాలో కంటే ఇందులో మరింత ఫిట్ గా కనిపించబోతున్నట్లు స్పష్టం చేశారు. హారిక అండ్ హాసిని బ్యానర్లో రాధాకృష్ణ నిర్మించనున్నఎన్టీఆర్ 28 వ సినిమా ఈ నెలలో సెట్స్ మీదకు వెళ్లనుంది. తొలిసారి త్రివిక్రమ్, ఎన్టీఆర్ కాంబినేషన్లో తెరకెక్కనున్న ఈ చిత్రంపై భారీ అంచనాలు ఉన్నాయి. సినిమాకంటే ముందు ఎన్టీఆర్ లుక్ చూడాలని అభిమానులు ఆత్రంగా ఎదురుచూస్తున్నారు.
