సినిమాల రేస్ నుంచి పవన్ కళ్యాణ్ తప్పుకొని రాజకీయాల్లోకి వెళ్ళిపోయినప్పట్నుంచి నెంబర్ 1 ఎవరు అనే ప్రశ్నకు ఇప్పటివరకూ సమాధానం లేదు. అయితే.. ప్రస్తుతం టాప్ హీరోస్ రేస్ లో మాత్రం ఎన్టీఆర్ సూపర్ ఫాస్ట్ గా దూసుకుపోతున్నాడు. ముఖ్యంగా అయిదు వరుస విజయాల తర్వాత ఎన్టీఆర్ ఇప్పుడు టాప్ హీరోస్ రేస్ లో నెంబర్ 1 స్థానానికి ఎగబాకాడు. ఇక రీసెంట్ గా “అరవింద సమేత” చిత్రంతో ఓవర్సీస్ లో రెండో 2 మిలియన్ సినిమాను తన క్రెడిట్ లిస్ట్ లో యాడ్ చేసుకొని ఓవర్సీస్ లో రెండు 2 మిలియన్ మూవీస్ ఉన్న ముగ్గురు స్టార్ హీరోల్లో ఒకడిగా నిలిచాడు ఎన్టీఆర్.
“శ్రీమంతుడు & భరత్ అనే నేను” చిత్రాలతో మహేష్ మొదటి స్థానంలో నిలవగా.. బాహుబలి 1 & 2 చిత్రాలతో ప్రభాస్ సెకండ్ ప్లేస్ లో ఉన్నాడు. ఇప్పుడు “నాన్నకు ప్రేమతో” అనంతరం “అరవింద సమేత”తో మరో 2 మిలియన్ డాలర్ మూవీని తన ఖాతాలో వేసుకొని మూడో స్థానంలో నిలిచాడు ఎన్టీఆర్. తెలుగు రాష్ట్రాల్లోనూ “అరవింద సమేత” భారీ వసూళ్లు సాధించే దిశగా దూసుకుపోతోంది. పండగ హాలీడేస్ సినిమాకి బాగా కలిసొస్తున్నాయి.
