“టెంపర్” సినిమా కోసం ఎన్టీయార్ ఛేంజోవర్ చూసి అందరూ షాక్ అయ్యేలోపే సినిమాలోని సిక్స్ ప్యాక్ లుక్ ప్రకాష్ రాజ్ భార్య పోనీ వర్మ ట్విట్టర్ ద్వారా లీక్ చేసి హల్ చల్ క్రియేట్ చేసింది. అయితే మళ్ళీ “జనతా గ్యారేజ్” కోసం బరువు పెరిగిన ఎన్టీయార్ మళ్ళీ లావవుతూ వచ్చాడు. తన తదుపరి చిత్రంగా త్రివిక్రమ్ దర్శకత్వంలో నటించేందుకు సన్నద్ధమవుతున్న విషయం తెలిసిందే. హారికా & హాసిని సంస్థ పతాకంపై రాధాకృష్ణ నిర్మించనున్న ఈ చిత్రం ఇటీవల పవన్ కళ్యాణ్ చేతుల మీదుగా ప్రారంభమమైన విషయం తెలిసిందే.
ఈ సినిమా కోసం ఎన్టీయార్ సన్నబడడం మొదలెట్టాడట. అయితే.. అనుకొన్న విధంగా ఎన్టీయార్ సన్నబడే ప్రోసెస్ ఆరోగ్యకరంగా సాగడం లేదట. ఉన్నట్లుంది ఎన్టీయార్ మరీ గుర్తుపట్టని స్థాయిలో తయారయ్యాడంట. అందుకే ఈమధ్యకాలంలో బయటకి కూడా రావడం లేదని తెలుస్తోంది. అందుకే జిమ్ మానేసి తన అన్నయ్య కళ్యాణ్ రామ్ “ఇజం” సినిమా కోసం చేసినట్లుగా ఆయుర్వేదిక్ ట్రీట్ మెంట్ తీసుకొని సన్నబడేందుకు ప్రయత్నిస్తున్నాడట. అలాగే.. ముఖారవిందం పాడవ్వకుండా కూడా జాగ్రత్తలు తీసుకొంటున్నాడట. ప్రస్తుతం ఈ బాడీ తగ్గగానే.. తర్వాతి నుంచి హెయిర్ స్టయిల్ మరియు లుక్స్ విషయంలో టెస్ట్స్ మొదలెడతాడట.
