జనతా గ్యారేజ్ తర్వాత యంగ్ టైగర్ ఎన్టీఆర్ చేస్తున్న సినిమా షూటింగ్ వేగంగా జరుగుతోంది. రామోజీ ఫిల్మ్ సిటీలో వేసిన ప్రత్యేక సెట్ లో ఎన్టీఆర్ పై కొన్ని సన్నివేశాలను దర్శకుడు బాబీ చిత్రీకరిస్తున్నారు. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మిస్తున్న ఈ మూవీకి జై లవ కుశ అనే టైటిల్ పరిశీలిస్తున్నారు. ఎన్టీఆర్ మూడు పాత్రల్లో మెరవనున్న ఈ చిత్రానికి సంబంధించి ఓ న్యూస్ సోషల్ మీడియాలో వీర విహారం చేస్తోంది. అది ఏమిటంటే.. తమిళంలో అజిత్ చేసిన ‘వరలారు’ అనే సినిమా స్టోరీని అటు ఇటు మార్చి బాబీ కథను సిద్ధం చేశారని కొంతమంది విమర్శిస్తున్నారు.
కె.ఎస్. రవికుమార్ దర్శకత్వం వహించిన ఆ చిత్రంలో అజిత్ మూడు పాత్రలను పోషించారు. 2006లో వచ్చిన ‘వరలారు’ ఆర్ధికంగా విజయం సాధించడమే కాదు.. అజిత్ కి మంచి పేరు తెచ్చిపెట్టింది. ఆ పాత్రలనే ఎన్టీఆర్ పోషిస్తున్నట్లు జోరుగా ప్రచారం సాగుతోంది. మరి దీనిపై బాబీ ఏమంటారో త్వరలో తెలియనుంది.
Also, do SUBSCRIBE to our YouTube channel to get latest Tollywood updates.
