యంగ్ టైగర్ ఎన్టీఆర్ జనతా గ్యారేజ్ తర్వాత చేస్తున్న సినిమా షూటింగ్ మొదలైపోయింది. తారక్ లేకుండా, ఇతర ఆర్టిస్టులపై కొన్ని సీన్లు తెరకెక్కించే పనిలో బాబీ నిమగ్నమయ్యారు. జై లవ కుశ అనే టైటిల్ పరిశీలిస్తున్న ఈ మూవీలో ఎన్టీఆర్ మూడు పాత్రల్లో మెరవనున్నసంగతి తెలిసిందే. ఇందులో రెండు పాత్రలు కవలలు కాగా, మరొకటి తండ్రి పాత్ర. ఆంధ్రావాలా లో తారక్ తండ్రి కొడుకులుగా నటించారు. అదుర్స్ లో ట్విన్స్ గా చేశారు. ఈ సారి మూడు విభిన్న పాత్రలు పోషిస్తున్నట్లు సమాచారం. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మిస్తున్న ఈ మూవీ గురించి బయటికి వచ్చిన ఆసక్తికర సంగతి ఏమిటంటే.. ఈ కథ తమిళంలో అజిత్ చేసిన ‘వరలారు’ అనే సినిమా స్టోరీని పోలి ఉంటుందని సమాచారం.
కె.ఎస్. రవికుమార్ దర్శకత్వం వహించిన ఇందులో అజిత్ మూడు పాత్రలను పోషించాడు. 2006లో వచ్చిన ఈ సినిమా ఆర్ధికంగా విజయం సాధించడమే కాదు.. అజిత్ కి మంచి పేరు తెచ్చిపెట్టింది. సో .. నటనలో విశ్వరూపం ప్రదర్శించడానికే ఎన్టీఆర్ ఇటువంటి కథను సెలక్ట్ చేసుకున్నట్లు చిత్ర బృందం వెల్లడించింది. బాలీవుడ్, హాలీవుడ్ టెక్నీషియన్లు పనిచేస్తున్న ఈ మూవీపై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
