యంగ్ టైగర్ ఎన్టీఆర్ బుల్లి తెర ప్రవేశం గ్రాండ్ గా ఉండాలని స్టార్ మా ఛానల్ వాళ్ళు ప్రయత్నిస్తుంటే.. వాటికీ ఆటంకాలు ఎదురవుతున్నాయి. షో మొదలుకాకముందే అభ్యంతరాలు వ్యక్తమవుతున్నాయి. ఉత్తరాది బాగా పాపులర్ అయిన బిగ్ బాస్ షో తెలుగులో స్టార్ మా వాళ్ళు నిర్మిస్తున్నారు. ఇందుకు కావాల్సిన సెట్ ని ముంబైలో పూర్తిచేశారు. పార్టిసిపెంట్స్ సెలక్షన్ కూడా కంప్లీట్ అయింది. మరో మూడు రోజుల్లో ఈ షో మొదలు కానుంది. ఈ సమయంలో ఈ రియాలిటీ షో గురించి తెలంగాణ ఫిల్మ్ ఛాంబర్ చీఫ్ రామకృష్ణ స్పందించారు. ఈ షో వలన ఎన్టీఆర్ కు ఇబ్బందులు తప్పవని, ఆయన ఆ షో చేయకుండా ఉంటేనే మంచిదని అభిప్రాయం వ్యక్తం చేస్తున్నారు.
తెలుగు సంప్రదాయాన్ని మంటగలిపే ఈ కార్యక్రమాన్ని చేస్తే ఊరుకోమని కొన్ని మహిళా సంఘాలు హెచ్చరిస్తున్నాయి. ఇలాంటి అభ్యంతరాలు వ్యక్తమవుతున్న సందర్భంగా ఎన్టీఆర్ ఈ షో నుంచి వెనక్కి వస్తారా? లేదా?, ఛానల్ వాళ్ళు షోని ఆపేస్తారా? కొనసాగిస్తారా? అనే చర్చ ఫిలిం నగర్లో హాట్ టాపిక్ అయింది.
Also, do SUBSCRIBE to our YouTube channel to get latest Tollywood updates.
