మెగాస్టార్ 151 వ చిత్రమైన ‘సైరా నరసింహారెడ్డి’… ఉయ్యాలవాడ నరసింహారెడ్డి జీవితం ఆధారంగా తెరకెక్కుతున్న సంగతి తెలిసిందే. సురేందర్ రెడ్డి డైరెక్ట్ చేస్తున్న ఈ చిత్రాన్ని మెగాపవర్ స్టార్ రాంచరణ్ సుమారు 200 కోట్ల భారీ బడ్జెట్ తో నిర్మిస్తున్నాడు. ఇక ఈ చిత్రం ఎప్పుడెప్పుడు వస్తుందా అని మెగా అభిమానులు వేయి కళ్ళతో ఎదురుచూస్తున్నారు. అందుతున్న సమాచారం ప్రకారం అక్టోబరు 2న గాంధీ జయంతి సందర్భంగా ఈ చిత్రాన్ని విడుదల చేయాలని చిత్రబృందం ప్లాన్ చేస్తుంది. ఈ డేటే ఫైనల్ కూడా తెలుస్తుంది.
ఇక అటుతరువాత అంటే అక్టోబర్ 8న విజయ దశమి కావడంతో సెలవులు ఉంటాయి. సో మొదటి వారం అక్టోబర్ 2న ఎలాగూ సెలవు కాబట్టి .. ఇక అక్టోబర్ 10 వరకూ భారీగా క్యాష్ చేసుకోవచ్చు. ఈ కారణంగానే ఈ చిత్రాన్ని విడుదల చేయాలనీ భావిస్తున్నారట. ఈ చిత్రంలో సుదీప్, అమితాబ్ బచ్చన్, విజయ్ సేతుపతి, జగపతిబాబు వంటి స్టార్ లు ఉన్నారు. హీరోయిన్లుగా సౌత్ స్టార్ హీరోయిన్లు నయనతార, అనుష్క కూడా ఈ చిత్రంలో నటిస్తున్నారు. కాబట్టి తెలుగుతో హిందీ, కన్నడ మరియు తమిళ ప్రేక్షకులు కూడా ఈ చిత్రం కోసం ఎంతో ఆసక్తిగా ఎదురుచూస్తున్నారు.
