యాక్షన్ హీరోగా మంచి పేరు తెచ్చుకున్న గోపీచంద్ హిట్టు కొట్టి కొన్ని సంవత్సరాలే అవుతుంది. 2014 లో శ్రీవాస్ డైరెక్షన్లో వచ్చిన ‘లౌక్యం’ చిత్రంతో హిట్టు కొట్టాడు గోపీచంద్. ఆ తరువాత వచ్చిన ‘జిల్’ చిత్రం పర్వాలేదనిపించినా… ‘సౌఖ్యం’ ‘గౌతమ్ నంద’ ‘ఆక్సిజన్’ చిత్రాలు డిజాస్టర్లు గా మిగిలాయి. ఇక ఎన్నో అసలు పెట్టుకుని చేసిన గోపీచంద్ 25 వ చిత్రమైన ‘పంతం’ కూడా ప్లాప్ గా మిగిలింది. ఈ సరి ఎలాగైనా హిట్టు కొట్టాలని చాలా సిన్సియర్ గా ట్రై చేస్తున్నాడంట గోపీచంద్.ఈ నేపథ్యంలో గోపీచంద్ ఓ చిత్రానికి ఓకే చెప్పినట్టు సమాచారం.
తాజా సమాచారం ప్రకారం విశాల్ తో ‘ఇంద్రుడు’ ‘వేటాడు వెంటాడు’ వంటి డిఫరెంట్ చిత్రాలను తీసిన తమిళ దర్శకుడు ‘తిరు’ వినిపించిన కథ గోపీచంద్ కు నచ్చడంతో ఓకే చెప్పినట్టు సమాచారం. అనిల్ సుంకర నిర్మించబోతోన్న ఈ చిత్రంలో రాశి ఖన్నాను హీరోయిన్ గా ఎంచుకున్నారట. గతంలో గోపీచంద్ ..రాశి ఖన్నా కలిసి నటించిన ‘జిల్’ ‘ఆక్సిజన్’ వంటి చిత్రాల్లో కలిసి నటించారు. ఇప్పుడు గోపీచంద్ తో మరోసారి రాశి ఖన్నా జతకట్టబోతున్నట్టు సమాచారం. త్వరలోనే ఈ చిత్రానికి సంబంధించి పూర్తి వివరాలను ప్రకటించనున్నట్టు తెలుస్తోంది.
