రాంచరణ్ ప్రస్తుతం రాజమౌళి డైరెక్షన్లో ‘ఆర్.ఆర్.ఆర్’ చిత్రం చేస్తున్నాడు. ఈ చిత్రంలో ఎన్టీఆర్ కూడా మరో హీరోగా నటిస్తున్న సంగతి తెలిసిందే. 400కోట్ల భారీ బడ్జెట్ తో రూపొందుతున్న ఈ చిత్రాన్ని 2020 జూలై 30న చేయబోతున్నట్టు ఇటీవల చిత్ర యూనిట్ ప్రెస్ మీట్ పెట్టి మరీ వెల్లడించిన సంగతి తెలిసిందే. ఈలోపే చరణ్ తన తదుపరి చిత్రానికి సంబందించిన పనులని కూడా మొదలుపెట్టేశాడు. ఈ నేపథ్యంలో మహేష్ తో ‘మహర్షి’ చిత్రం తెరకెక్కిస్తున్న వంశీ పైడిపల్లి డైరెక్షన్లో చరణ్ తదుపరి సినిమా ఉంటుందని తాజాగా టాక్ నడుస్తుంది.
తాజాగా చరణ్ ను కలిసి వంశీ ఓ లైన్ చెప్పాడట. లైన్ చాలా బాగుందనీ .. పూర్తి కథను సిద్ధం చెయ్యమని చరణ్ చెప్పినట్టుగా వార్తలొస్తున్నాయి. ‘మహర్షి’ చిత్రం మే 9న విడుదల కాబోతుంది. దీని తరువాత చరణ్ సినిమా ప్రాజెక్టుపై కూర్చోవాలని వంశీ పైడిపల్లి డిసైడ్ అయ్యాడట. గతంలో వీరిద్దరి సి కాంబినేషన్లో ‘ఎవడు’ చిత్రం సూపర్ హిట్ గా నిలిచిన సంగతి తెలిసిందే.
