మెగా పవర్ స్టార్ రాంచరణ్ సతీమణి ఉపాసన కొణిదెల పై మరోసారి ప్రశంసల వర్షం కురిపిస్తున్నారు నెటిజన్లు. వివరాల్లోకి వెళితే కొద్ది రోజుల క్రితం ఉపాసన.. ‘కె.బి.ఆర్ పార్క్ బయట ఉండే ఓ బండిలో తాను చల్లటి పానీయాల్ని తీసుకుంది. ఆకులతో కలిపి ఇచ్చే ఈ మజ్జిగ, మంచినీళ్ళు ఆరోగ్యానికి చాలా మంచిదని తన సోషల్ మీడియాలో పోస్ట్ చేసింది. అయితే ఆ బండి గల వ్యక్తి… ఎక్కువగా ప్లాస్టిక్ ను ఉపయోగిస్తున్నాడని… ఇవి అస్సలు మంచివి కాదు మీరు కూడా అక్కడ ఏమీ తీసుకోకండి అంటూ కొందరు నెటిజన్లు కామెంట్లు పెట్టారు.
అయితే వీటి పై స్పందించిన కొణిదెల వారి ఇంటి కోడలు… “ఈ బండి దగ్గర మంచి ఆరోగ్యకరమైన పానీయాలు ఉన్నాయని గతంలో చేసిన పోస్ట్ కు కొందరు.. ఈ బండి నడిపే వ్యక్తి ప్లాస్టిక్ ఉపయోగిస్తున్నాడు.. అవి ఆరోగ్యానికి మంచిది కాదు అని తెలిపారు. అందుకే నా వంతుగా… ఆ ప్లాస్టిక్ మొత్తం తీసివేసి… ఇలా మంచి కుండలను పంపిస్తున్నాను. చరణ్ సాయంతోనే ఇది చేయగలిగాను” అంటూ మరోసారి తన గొప్ప మనసుని చాటుకుంది. దీంతో ఈ మెగాజంటని సోషల్ మీడియాలో అందరూ ప్రశంసలతో ముంచెత్తుతున్నారు.
