ఇప్పుడంటే విజయ్ దేవరకొండను ఎలాంటి సపోర్ట్ లేకుండా ఎదిగిన స్టార్ హీరో అని నెత్తిన పెట్టుకొంటున్నారు జనాలు. కానీ.. సోషల్ మీడియా అనేది పుట్టక ముందు.. ఎలాంటి ఇండస్ట్రీ సపోర్ట్ కానీ, గాడ్ ఫాదర్ కానీ లేకుండా కేవలం టాలెంట్ తో ఎదిగిన కథానాయకుడు ఉదయ్ కిరణ్. “చిత్రం, నువ్వు నేను, మానసంతా నువ్వే” లాంటి హ్యాట్రిక్ హిట్స్ తో ఇండస్ట్రీలో తనకంటూ ప్రత్యేకమైన స్టార్ డమ్ సంపాదించుకొన్నాడు. ఆ తర్వాత తెలుగు-తమిళ భాషల్లోనూ ప్రయత్నించినప్పటికీ.. సరైన విజయం అందుకోలేక చతికిలపడిపోయాడు.
ఇక పర్సనల్ & ఫైనాన్షియల్ ఇష్యూస్ కారణంగా ఆత్మహత్య చేసుకొని చనిపోయిన ఉదయ్ కిరణ్ జీవితం ఆధారంగా సినిమా తీయాలని ఎప్పట్నుంచో అనుకొంటున్నారు. అయితే.. తాజా సమాచారం మేరకు సందీప్ కిషన్ హీరోగా ఉదయ్ కిరణ్ బయోపిక్ తెరకెక్కే అవకాశాలున్నాయని తెలుస్తోంది. మరి ఈ బయోపిక్ ను ఎంత నిజాయితీగా తీయగలరు? ఈ బయోపిక్ లో ఉదయ్ కిరణ్ కెరీర్ కి టర్నింగ్ పాయింట్ అయిన చిరంజీవి కుమార్తె శ్రీజ ఇష్యూను చూపించగలిగే దమ్ము ఫిలిమ్ మేకర్స్ కు ఉందా అనేది తెలియాల్సి ఉంది.
“జార్జ్ రెడ్డి” సినిమా రివ్యూ & రేటింగ్!
24 గంటల్లో అత్యధిక లైక్స్ సాధించిన సౌత్ సినిమా టీజర్లు ఇవే..!
