శర్వానంద్, సాయి పల్లవి జంటగా నటించిన తాజా చిత్రం ‘పడి పడి లేచే మనసు’. డిఫరెంట్ చిత్రాలను తెరకెక్కిస్తూ తనకంటూ ఒక ప్రత్యేక గుర్తింపు సంపాదించుకున్న డైరెక్టర్ హను రాఘవపూడి. రొమాంటిక్ ఎంటర్టైనర్ గా తెరకెక్కిన ఈ చిత్రం డిసెంబర్ 21 (నిన్న) విడుదలయ్యి డివైడ్ టాక్ తెచ్చుకుంది. విశాల్ చంద్ర శేఖర్ అందించిన ఈ చిత్రం ఆడియోకు మంచి స్పందన రావడం, శర్వానంద్, సాయి పల్లవి కి మంచి క్రేజ్ ఉండటంతో ఈ చిత్రానికి దాదాపు 22.5 కోట్ల బిజినెస్ జరిగింది.
ఇక ఈ సినిమాకి డివైడ్ టాక్ రావడంతో చెప్పుకోదగ్గ కలెక్షన్లు నమోదు చేయడంలో విఫలమయ్యిందనే చెప్పాలి. శర్వానంద్ గత చిత్రం ‘మహానుభావుడు’ మొదటి రోజు 2.6 కోట్ల వరకు షేర్ ను రాబట్టగా ‘పడి పడి లేచే మనసు’ కేవలం 1.8 కోట్ల కలెక్షన్లను మాత్రమే నమోదు చేయడం గమనార్హం. వీకెండ్ కావడంతో శనివారం, ఆదివారం ఈ చిత్రానికి మంచి కలెక్షన్లు వచ్చే అవకాశాలున్నాయి. ఇక మంగళవారం క్రిస్ట్ మస్ సెలవు కావడంతో ఆరోజు కూడా మంచి కలెక్షన్లు రావొచ్చు. ఇక ఈ చిత్రం లాంగ్ రన్లో బ్రేక్ ఈవెన్ అవుతుందో లేదో చూడాలి. ‘పడి పడి లేచే మనసు’ ఏరియా వైజ్ కలెక్షన్ వివరాలు ఈ విధంగా ఉన్నాయి
నైజాం- 0.67 కోట్లు
సీడెడ్- 0.24 కోట్లు
వైజాగ్- 0.23 కోట్లు
గుంటూరు- 0.30 కోట్లు
ఈస్ట్- 0.15 కోట్లు
వెస్ట్- 0.08 కోట్లు
కృష్ణ- 0.10 కోట్లు
నెల్లూరు- 0.05 కోట్లు
————————————
టోటల్: 1.82 కోట్లు
——————————————
