నందమూరి బాలకృష్ణ, పూరి జగన్నాథ్ ల కాంబినేషన్ లో రూపొందుతున్న చిత్రం ‘పైసా వసూల్’. భవ్య క్రియేషన్స్ పతాకం పై వి. ఆనంద ప్రసాద్ నిర్మిస్తున్న ఈ చిత్రం నిన్న రిలీజ్ అయి అందరినీ ఆకట్టుకుంటోంది. పూరి మార్క్ డైలాగులు బాలయ్య వింటుంటే థియేటర్స్ చప్పట్లతో నిండిపోతున్నాయి. తెలుగు రాష్ట్రాల్లో 700 స్క్రీన్లు, కర్ణాటకతో పాటు ఇతర ప్రాంతాల్లో 120 స్క్రీన్లు, విదేశాల్లో150 స్క్రీన్లలో పైసా వసూల్ 970 తెరల్లో శుక్రవారం గ్రాండ్ గా రిలీజ్ అయింది. అత్యధిక థియేటర్లలో రిలీజ్ అయినప్పటికీ 80 శాతం ఆక్యుపెన్సీ సాధించింది. తొలి రోజు ప్రపంచ వ్యాప్తంగా 15 కోట్ల గ్రాస్ రాబట్టి రికార్డ్ సృష్టించింది. బాలకృష్ణ చిత్రాల్లో రెండో బిగ్గెస్ట్ ఓపెనర్ గా పైసా వసూల్ నిలిచింది. గౌతమి పుత్ర శాతకర్ణి 18.35 కోట్లతో మొదటి స్థానంలో ఉంది. కేవలం తెలుగు రాష్ట్రాల్లో 11.50 కోట్ల గ్రాస్ వసూలు చేసి బాలయ్య సత్తా చాటింది. షేర్ కూడా 8.50 కోట్లు రాబట్టి డిస్ట్రిబ్యూటర్లకు ఆనందాన్ని పంచింది. తెలుగు రాష్ట్రాల్లో ఏరియాల వారీగా షేర్ కోట్లలో…
నైజాం – 2.28
సీడెడ్ – 1.80
వైజాగ్ – 0.79
ఈస్ట్ గోదావరి – 0.70
వెస్ట్ గోదావరి – 0.50
కృష్ణ – 0.52
గుంటూరు – 1.54
నెల్లూరు – 0.37
మొత్తం – 8.50
Also, do SUBSCRIBE to our YouTube channel to get latest Tollywood updates.
