మహేష్ బాబు కథానాయకుడిగా మురుగదాస్ దర్శకత్వంలో ఓ సినిమా తెరకెక్కనున్న విషయం తెలిసిందే. జూలై 15 నుంచి రెగ్యులర్ షూటింగ్ మొదలుకానున్న ఈ చిత్రంలో కథానాయికగా బాలీవుడ్ భామ పరిణీతి చోప్రాను ఎంపిక చేశారు. నిన్న ఈ విషయమై దర్శకుడు మురుగదాస్ అఫీషియల్ కన్ఫర్మేషన్ ఇచ్చేశాడు కూడా. అయితే.. ఈ సినిమాలో నటించడం కోసం పరిణీతి చోప్రాకు ఏకంగా మూడున్నర కోట్ల రూపాయల పారితోషికం ముట్టజెప్పారని తెలుస్తోంది.
ఎంత బాలీవుడ్ హీరోయిన్ అయినా.. పరిణీతి చోప్రాకు హిందీలో సరైన విజయాలు లేవు. కాకపోతే చాలా బోల్డ్ గా నటిస్తుందన్న ఒకేఒక్క కారణం చేత ఆమెను ఎంకరేజ్ చేస్తూ వస్తున్నారు. మరి టాలీవుడ్ కు అంతగా పరిచయం లేని ఒకమ్మాయికి ఏకంగా మూడున్నర కోట్ల రూపాయలు పెట్టడం అన్నది ఎంతవరకూ కరెక్టో దర్శకనిర్మాతలకే తెలియాలి.
