ఇటీవల విడుదలయ్యి సూపర్ హిట్ టాక్ ను సొంతం చేసుకుంది మెగాస్టార్ చిరంజీవి ‘సైరా నరసింహారెడ్డి’ చిత్రం. కలెక్షన్ల విషయంలో కూడా సరికొత్త రికార్డులు క్రియేట్ చేస్తుంది ఈ చిత్రం. ఉయ్యాలవాడ నరసింహా రెడ్డి జీవిత చరిత్రతో తెరకెక్కిన ఈ చిత్రం చూసిన ప్రతీ ఒక్కరు ప్రశంసలు కురిపిస్తున్నారు. ‘అసలు ‘ఉయ్యాలవాడ నరసింహారెడ్డి’ జీవిత చరిత్రలో ఇన్ని కమర్షియల్ ఎలిమెంట్స్ మరియు ఎమోషన్స్ ఉన్నాయా.. అసలు ఇంత మంచి కథని ఇప్పటివరకూ ఎందుకు తెరకెక్కించలేదు. అసలు ఎందుకు ఏ హీరో ఈ సినిమా చేయడానికి ముందుకు రాలేదు’.. అనే ప్రశ్నలు అందరిలోనూ ఉన్నాయి.
ఇదే ప్రశ్నకి పరుచూరి గోపాల కృష్ణ మాట్లాడుతూ.. “2004లో ఈ చిత్రం చేయాలనే ఆలోచనకు భీజం పడింది. చిరంజీవిగారితోనే ఈ చిత్రం చేయాలని ప్రయత్నాలు సాగుతున్నప్పుడు… ఆయన 2008లో రాజకీయాలవైపు వెళ్ళిపోయారు. రాజకీయాలలో బిజీగా ఉన్న చిరంజీవిగారు … ‘నాతో కాకున్నా, చరణ్ తో ఈ మూవీ చేద్దాం’ అని చెప్పారు. ఒక వేళ చిరంజీవి రాజకీయాల్లోనే ఉండి ఉంటే… మళ్ళీ సినిమాలు వైపు రాకుండా ఉంటే.. ‘సైరా నరసింహారెడ్డి’ చరణ్ తోనే చేసే వాళ్ళం.” అంటూ ఆయన చెప్పుకొచ్చారు.
సైరా నరసింహారెడ్డి చిత్రంలోని పవర్ ఫుల్ డైలాగ్స్
సైరా సినిమా రివ్యూ & రేటింగ్!
